Sada corre por Níxer

O domingo 16 de Outubro celebrouse no paseo marítimo de Sada  (A Coruña) a Primeira Carreira da Auga solidaria dentro da campaña educativa "Gotas para Níxer". Esta carreira, organizada polo Concello e o Club de Atletismo de Sada, reuniu a máis de 1.100 participantes nas diferentes categorías.

 

Estaban convocados a participar nenos, novos e adultos que quixesen mobilizarse a favor dos dereitos da infancia de Níxer, un dos países máis pobres do mundo.

 

Sobre as 10.30 h da mañá deron a saída á primeira categoría, os prebiberóns (nacidos en2009 e 2010) que percorreron unha distancia de 100 metros.

A partir de aí foron participando o resto de categorías infantís e xuvenís para finalizar a xornada coa Andaina e a carreira absoluta (10.000 metros).

Entre os participantes atopábanse os alumnos dos centros de primaria e secundaria da zona, como: CEIP Sada y sus Contornos, IES O Mosteirón e IES Isaac Díaz Pardo, que durante toda a semana previa traballaron cos materiais do programa Enrédate a importancia do acceso á auga e saneamento.

Con cada inscrición (2 euros os nenos e 3 euros os adultos), os participantes apoiaron a campaña de UNICEF “Gotas para Níxer“, cuxo obxectivo é sensibilizar á poboación sobre as condicións de vida deste país, ademais de recaudar fondos para o programa de supervivencia infantil de UNICEF en Níxer.

 

Este evento contou ademais coa presenza do xogador do Deportivo da Coruña Rodolfo Bodipo que deu a saída á carreira absoluta, poñendo tamén a súa gota por Níxer.

 

Desde UNICEF Comité Galicia agradecemos o gran traballo e o esforzo dos organizadores así como a boa acollida que ha ter esta iniciativa, que esperemos se repita o vindeiro ano na II Carreira da Auga "Gotas para Níxer" de Sada.

 

Participa no Blog!

Cada semana ocorren cousas novas nos centros enredados e leste é o lugar para compartir as vosas experiencias. Tamén atoparás aquí información de última hora sobre novidades relacionadas coa Educación para o Desenvolvemento. Contribúe coas noticias das actividades que desenvolva o teu centro! (lembra iniciar sesión para poder publicar a túa noticia).

Comparte a túa experiencia