Como podo axudar a Venezuela dende o meu colexio se xa estamos de vacacións?
Antes das festas, unha oportunidade para axudar ás familias afectadas polos terremotos en Venezuela
Sabemos que estes días os centros estades rematando as clases e preparando as vacacións. Por iso, propoñémosvos unha forma sinxela de axudar á infancia afectada polos terremotos de Venezuela: compartir coas vosas familias unha petición de apoio á emerxencia.
Un correo electrónico ou unha publicación nas vosas canles pode axudar a mobilizar recursos para que UNICEF siga proporcionando auga potable, atención sanitaria e protección aos nenos e nenas afectados.
Animámosvos a enviar a mensaxe que vos facilitamos a continuación ou adaptalo ao voso estilo e canles habituais de comunicación.
Grazas por seguir educando en solidaridade ata o último día do curso. 💙
Proposta de mensaxe para as familias
Asunto: Axuda ás familias afectadas polos terremotos de Venezuela
Queridas familias:
Os recentes terremotos que afectaron a Venezuela deixaron a miles de nenos, nenas e familias nunha situación moi difícil. Moitas persoas perderon os seus fogares e necesitan axuda urxente para acceder a servizos básicos e protección.
Desde o noso centro educativo queremos compartir a posibilidade de colaborar coa resposta de emerxencia que UNICEF está a desenvolver sobre o terreo para atender á infancia afectada.
Se desexades realizar unha aportación, podedes facelo a través da seguinte ligazón:
Calquera contribución, por pequena que sexa, pode axudar a proporcionar auga potable, subministracións esenciais, apoio sanitario e espazos seguros para os nenos e nenas afectados.
Grazas pola vosa solidariedade.
Vémonos en setembro!
Interésanos coñecer as túas suxestións
Se tes ideas ou suxestións sobre o tipo de actividades que che gustaría que propoñamos o próximo curso, non esquezas encher esta breve enquisa antes de irte de vacacións. Bo verán!
