Por que os nenos, nenas e adolescentes queren participar?

En ocasións, desde a perspectiva adulta, podemos ver sorprendente que nenos, nenas e adolescentes queran tomar parte en procesos e decisións que supoñen un esforzo e unha responsabilidad. Non son máis felices alleos a estas complicacións?
 

"Unha persoa é unha persoa, non importa o pequena que sexa"
Dr. Seuss

A realidade é que, como todo ser humano, os nenos ven a importancia de ter voz nas cuestións que lles afectan, pero non só iso, hai máis razóns polas que queren participar:

•     Consideran que a súa contribución pode levar a mellores decisións ✓
•     Cren que, ás veces, os adultos malinterprétanos cando falan no seu nome ✓
•     Sinten que é xusto que se lles escoite cando se tratan temas que afectan as súas vidas ✓
•     Queren contribuír a mellorar a súa contorna e a construír un mundo mellor ✓
•     Participar en cuestións que lles afectan permítelles coñecerse mellor e axuda a construír a súa autoestima, a súa resiliencia e a súa capacidade de autoprotección ✓
•     A participación infantil efectiva supón un desafío aos sentimentos de impotencia e indefensión a miúdo asociados á infancia ✓
•     A participación capacita a nenas, nenos e adolescentes para abordar os abusos e neglixencias que poidan cometerse contra os seus dereitos ✓
•     A participación ofrécelles a oportunidade de desenvolver: escoita, traballo en equipo... ✓
•     Os procesos de participación ofrécenlles a posibilidade de relacionarse con outros nenos o cos adultos desde unha perspectiva diferente ✓
•     A participación é interesante, é emocionante, é educativa… E pode ser divertida! ✓
•     Os nenos, nenas e adolecentes teñen moito que dicir! ✓