A loita contra a desnutrición en Etiopía
En Fedis, un distrito do centro-este de Etiopía que sofre os efectos da seca, encóntrase o centro de saúde de Belina Arba. Genete Mohammed levou alí ao seu bebé Imán, de 18 meses, para que recibise tratamento no programa ambulatorio de alimentación terapéutica.
"Imán tiña o corpo inchado, especialmente o
rostro", afirma Mohammed. "A
primeira vez que a vimos, Imán apenas
pesaba 5,5 quilos. Para que poidamos darlle a alta debe
alcanzar os 6,3 quilos. Hoxe, despois de tres semanas de
tratamento, Imán pesa seis
quilos. Ademais, desapareceu a inflamación do edema e é
evidente que está a mellorar", explica satisfeita Lemlem Worku, axente de divulgación sanitaria do
centro de saúde.
Worku aconsella a nai sobre a forma correcta de
lavarse as mans. Despois, afástase con ela e Imán ata un canto
apartado e entrégalle un sobre de alimento terapéutico listo para
usar, co que farán unha proba de apetito ao bebé. Imán tómao sen problemas. A continuación,Mohammed recibe porcións de alimento
para unha semana e un frasco de antibiótico para combater posibles
infeccións. Finalmente, nai e filla regresan ao seu fogar, que se
encontra a curta distancia do centro de saúde da
aldea.
Worku comeza as sesións deste programa cundebate sobre nutrición e presta
asesoramento ás nais sobre os tipos de alimentos
dispoñibles na rexión que poden empregar para alimentar os seus
fillos. Posteriormente, chama unha por unha ás nais para que se
acheguen ata a súa mesa cos seus fillos para medirlles a
circunferencia do brazo e comprobar se teñen edemas en ambas as
dúas pernas, dous indicadores fiables do estado de nutrición. A
continuación, Worku mide a estatura de
cada neno e anota os resultados na súa ficha
individual.
Grazas a este
programa, as familias dos nenos que padecen desnutrición non teñen
que afastarse moito dos seus fogares para que os seus fillos
reciban a axuda que lles ofrecen os axentes de saúde das súas
comunidades. Na maioría dos casos, os nenos poden recibir
tratamento nos seus fogares sempre e cando non sufran
complicacións, como febre ou diarrea. Así, os seus
proxenitores poden seguir traballando no campo sen ter que
abandonar a atención dos seus fillos.
LOGROS EN PErIGO
A acción de UNICEF fixo posible
que Etiopía, que en 2004 carecía practicamente de
capacidade para tratar a desnutrición grave aguda nos distritos
afectados pola seca e a inseguridade alimentaria como Fedis, conte hoxe con 8.800 postos
similares ao de Belina
Arba.
UNICEF tamén colaborou co Ministerio e as Oficinas
Rexionais de Saúde na capacitación dos axentes de divulgación
sanitaria como Lemlem Worku en materia
de alimentación terapéutica de pacientes ambulatorios.UNICEF taménsubministra alimentos terapéuticos listos para usar,
medicamentos e outros elementos imprescindibles para a
execución do programa, como as básculas e as fitas de medición da
circunferencia do brazo.
As taxas de
supervivencia melloraran sensiblemente durante os últimos anos en
Etiopía, debido en gran parte aos avances logrados en materia de
alimentación infantil. En 1990, a proporción de nenos que
falecían antes de cumprir os cinco anos superaba o 20%. En
máis do 50% dos casos fatais, a desnutrición era un dos factores
determinantes. Para 2010, a taxa reducírase á
metade
Non obstante,a situación de emerxencia creada pola seca está poñendo en
serio perigo os progresos conseguidos en supervivencia
infantil. Nos distritos etíopes afectados, como o de Fedis, foi necesario ofrecer tratamento urxente a
uns 312.740 nenos gravemente desnutridos cuxas vidas corrían
perigo.
