Pakistan: neskatoak haurren arteko ezkontzengandik babestea

Pakistan-en, Sindh probintzian, UNICEFek uholdeen ondorioz kaltetu eta lekualdatutako hamarka milaka haur eta emakumeren babesa bermatu eta laguntza ematen die. 

Protective Learning and Community Emergency Services (PLaCES) deituriko programen bitartez, UNICEFek haurrei babesa, hezkuntza eta jolasteko aukera eskaintzen die. Gainera, zentro horien helburuetako bat da neskatoak babestu etahaurrak direnean ezkontzera derrigortzea ekiditea.

Orain arte, uholdeek gehien kaltetutako guneetan 258 zentro ireki dira eta 52.000 haur eta 16.000emakumeri eman ahal izan zaie laguntza. Espazio horiek olanazko egituren gainean eraikitzen dira aldi baterako egonlekuetatik hurbil.

 
lau neskatotatik bat 18 urte bete baino lehen ezkontzen da 
Missing fitxategia.
4,8 milioi pertsonek (horien erdiak haurrak) kaltetuak izan ziren Sindh probintzian gertatutako uholdeetan. Horrez gain, etxebizitzak, komunitateak eta egiturak (osasun-zentroak eta ikastetxeak barne) suntsitu ziren. 
 
Hondamendien eta krisien ondorioz, haurrak eta emakumeak arrisku handiagoan daude, baina kausa bakarrak ez dira gaixotasunak eta desnutrizioa, esplotazioa eta indarkeria ere kontuan izan behar baitira. Uholdeek kaltetutako familia askotako alabekfamiliek ezkontzera derrigortzeko arriskua dute. 
 
Haurren arteko ezkontzak oso ohikoak dira oraindik Pakistan-en; bertan lau neskatotatik bat 18 urte bete baino lehen ezkontzen da. Familia askorentzat, ezkontza horiek uholdeen ondoriozko lekualdaketak eragindako zailtasun ekonomikoei erantzuna eta familia-zamak murrizteko modua dira.
 
Larrialdietarako zentroetan haur eta emakumeek haurren arteko ezkontzen ondorioei buruz ikasteko aukera dute, amen heriotza-tasa eta sexu bidez transmititutako gaixotasunei buruzko (GIB/HIESa barne) arriskuen inguruko informazio jasotzen dute. 
 
Gazteen haurdunaldiek zailtasunak eta desnutrizioa izan ditzakete ondorio, amengan eta haurrengan. Neska ezkonberriek etxeko indarkeria, sexu-abusua eta trauma psikologiko larriak pairatzeko arriskua dute.
 
“neskatoa baino ez nintzen ezkondu nintzenean” 
Zentroetan, neskato eta emakumeek haurren arteko ezkontzen inguruko beren esperientziak partekatzen dituzte. Bilera baten zehar, Badin barrutian, Salma Altaf Hussein-ek bere istorioa azaldu zuen. 
 
“Oso gazte ezkondu nintzen. Neskatoa nintzen eta ez nekien ezer ezkontzearen inguruan. Nik jolas egin eta ikastetxera joan nahi nuen, baina ezin izan nuen hori egin”. “Orain guk ikasi dugu zeintzuk diren haurren arteko ezkontzen arriskuak. Nire seme-alabak ezkondu aurretik ikastetxera joan eta norbait izatera hel daitezen nahi dut”, gaineratu zuen.
 
erditzearen eta haurra zaintzearen arriskuak
Shahida Abdul Aziz espazio horietako koordinatzailea da eta berak zuzendu ditu 140 emakumetik gorako bilerak Mubarak Ghambir herrian, Sindh probintzian. Haurren arteko ezkontzek emakume askori eragin diela adierazi du.
 
“Adin txikikoen ezkontzen arazoa emakumezko ezkongaia neskato bat dela da”, dio. “Haurdun gelditzen bada, pisua galdu ohi du, elikatu gabe gelditzen da eta zailtasun asko izan ohi ditu. Kasu askotan haurrek ere osasun-arazoak paira ditzakete”. 

“Neskato bat panpinekin jolasean egon behar duenean ezkontzen bada, nola izango da erditzeko eta haurra zaintzeko gai?”, adierazi du Shahida-k.

 
haurrak babestea eta beren eskubideak sustatzea
UNICEFek, Sindh-eko Gizarte Ongizate Sailarekin batera, haurren babeserako gaiei erantzun handiagoa ematen dihardu lanean.Haurren arteko ezkontzak ere jorratzen dira.
 
Gainera, erakundeak haurren babeserako ahaleginak koordinatzen laguntzen du, baita generoan oinarritutako indarkeria murrizteko programetan ere. Ahalegin horiei esker, komunitatea gai horien inguruan kontzientziatzen da eta haurrak babestu eta beren eskubideak sustatzeko gobernuaren zerbitzu eta erakundeen gaitasuna areagotzen da.