Xordania: UNICEF leva auga potable a miles de desprazados sirios

Por Melanie Sharpe, Especialista en Comunicación de UNICEF

Abdullah, de 11 anos, observa en silencio o po que cobre os seus pés baixo o abrasador sol vespertino que cae no campamento de refuxiados de Za'atari, en Xordania.

A súa nai, Hajar, enche un cubo con auga mentres vixía de preto Abdullah e a súa filla de oito anos,Esra. Como a maioría das familias no campamento, Hajar e os seus cinco fillos proceden dunha cidade do sur de Sirya que entrou nunha espiral de violencia. "Non vin nin oín o meu marido en sete meses. Eutiña un taller de costura, peroincendiáronmo, a miña casa foi incendiada. Tivemos que fuxir a Xordania. Todo o mundo está a saír de alí", explica. Máis de 6.000 sirios encóntranse agora aloxados nocampamento de Za'atari, incluíndo Hajar e os seus fillos de 3, 7, 8, 9 e 11 anos. As condicións son duras. O sol do deserto é sufocante, non hai sombra natural e as tormentas de po desátanse regularmente polo campamento.Garantir ás familias acceso regular a auga potablepode ser unha tarefa terriblemente difícil en metade do deserto e nun dos países con maior escaseza de auga do mundo.UNICEF e aAxencia Federal Alemá para a Axuda Técnica(THW, polas súas siglas en inglés) están a liderar a subministración de auga potable, hixiene, saneamento e a xestión dos residuos en todo o campamento.  

 
 

“NECESITAMOS APOiO URxENTE”

Neste momento todo o mundo en Za'atari ten acceso a auga potable, baños e duchas, así como un lugar paralavar a roupa, pero necesitamos apoio urxente para garantir que isto siga sendo así", sinalaMichele Servadei Representante Adxuntode UNICEF Xordania. Dende a apertura do campamento o pasado 29 de xullo, UNICEF e os equipos de auga de THW estiveron a traballar contra o reloxo para que cada refuxiado de Za'atari teña polo menos 50 litros de auga diarios. Tamén hai varias zonas de lavado que inclúen lavabos, duchas e vertedeiros. UNICEF tamén está a distribuír 2.000 ziirs (grandes vasillas de barro tradicionais usadas para recoller a auga e mantela fresca). Non moi lonxe da entrada ao campamento, na rúa principal de grava fronte ás fileiras de tendas de campaña, está un doscentros de saúde móbiles do campamento. O equipo do centro tardou dous días en montar as 28 tendas que conforman a instalación. Os médicos e as enfermeiras poden recibir ata 600 pacientes ao día e hai camas para uns50 pacientes ambulatorios. "Esta clínica simplemente non pode funcionar sen auga", asegura o médico Dr.Karim Idrissi. Subministrar a auga suficiente para manter máis de 6.000 persoas e os múltiples centros de saúde no deserto é caro. Cos camións cisterna, UNICEF leva aproximadamente 357.000 litros de auga potable a Za'atari todos os días. UNICEF tamén se está a preparar paraperforar un pozo no campamento para reducir os custos de transporte e dar solución ao problema de acceso á auga de xeito máis sostible. Pero a perforación tamén será custosa e a demanda de auga continúa aumentando.
 
"Centos de familias sirias están a chegar a Za'atari todos os días, incrementando a demanda de auga. UNICEF agradece o apoio recibido, pero agora necesítase moito máis urxentemente para chegar a estas familias que viven en condicións tan duras ", di Michele Servadei.  
 
Nos vertedeiros,Abdullah e Esra axudan á súa nai a levar o seu cubo de auga. Os ollos dos nenos están de cor rosa e inchados polo po que sopra.Hajar di que non pode crer que esta sexa a súa vida agora: "Quero volver á miña casa, quero unha máquina de coser, só quero volver traballar".  
 
Ninguén sabe por canto tempo máis terán que permanecer neste campamento no deserto familias como a de Hajar. UNICEF e os seus aliados están a facer todo o posible para proporcionar os servizos básicos a estas familias que xa sufriron demasiado.