Foro mundial sobre Inmunización
Máis de 650 expertos en saúde e representantes de gobernos de todo o mundo, membros da Alianza Mundial para a Vacinación e a Inmunización (Alianza GAVI), reúnense este fin de semana en Dar es Salaam, capital de Tanzania, para estudar a forma de acelerar os resultados, a innovación, a sostibilidade e a equidade no campo da vacinación.
A Alianza GAVI é unha alianza mundial público-privada en materia de saúde, comprometida a salvar vidas de nenos e protexer a saúde das persoas, aumentandoo acceso á inmunización nos países en desenvolvemento.
Está formada por
gobernos, e organizacións como UNICEF, o Banco Mundial, a Organización
Mundial da Saúde (OMS), outras
organizacións da sociedade civil, fabricantes de vacinas e doadores
privados.A inmunización é un dos investimentos en saúde máis
eficientes, exitosos e rendibles da historia. Os nenos
vacinados teñen maiores habilidades cognitivas e máis posibilidades
de asistir á escola, e convértense en adultos saudables e
produtivos.
Non obstante, máis de 22 millóns de nenos,
principalmente no mundo en desenvolvemento, aínda non están
vacinados contra enfermidades comúns pero mortais. Un de
cada cinco nenos que perde a vida antes de cumprir os cinco anos de
idade morre por enfermidades prevenibles por vacinación.
A vacinación evita actualmente de dous a tres millóns de
mortes anuais en todos os grupos de idade por difteria,
tétanos, tose ferina e sarampelo.
Dende o seu lanzamento en 2000, a Alianza GAVI contribuíu a salvar máis de 5,5 millóns de
vidas apoiando as vacinas nos países en desenvolvemento, e o seu
obxectivo de aquí a 2015 é axudar os países a inmunizar máis de 245
millóns de nenos.
o TRABAllO DE UNICEF
UNICEFrecoñeceu dende hai tempo o poder das vacinas efixo da inmunización un dos piares do seu
recentemente lanzado movemento Compromiso coa
Supervivencia Infantil: unha Promesa Renovada,que invita aos gobernos, a sociedade civil,
organizacións relixiosas, o sector privado e individuos a unirse
para asegurar que cada neno teña o mellor comezo posible na
vida.
UNICEF traballa continuamente para influír de
xeito positivo no mercado das vacinas, para asegurar a
dispoñibilidade continua de vacinas alcanzables e de calidade, así
como para apoiar a introdución de novas vacinas. Estes esforzos
traducíronse nun aforro considerable de custos, así como en
aumentar cada vez máis as bases de provedores
competitivos.