Día Internacional do Legado Solidario
O 13 de setembro celébrase por segundo ano o Día Internacional do Legado Solidario e UNICEF España quíxose unir esta iniciativa para promover o apoio ás organizacións solidarias a través dun legado ou testamento.
Deixar unha herdanza ou un legado a UNICEF é unha forma marabillosa de que a axuda aos nenos máis vulnerables perdure no tempo. É un xeito de asegurar que, no futuro, os dereitos de todos os nenos se van cumprir. Cos recursos que xeran as herdanzas e legados se poden financiar proxectos que, nalgúns casos, poderían tardar anos en ser apoiado economicamente, e deste xeito se poden cambiar as vidas de miles de nenos.
RomanaMartínez, socia de UNICEF España, designou a UNICEF como herdeira . "Para min foi unha decisión natural... O valor dunha casa en
España e todo o que contén se pode transformar en esperanza e dar a
posibilidade a moitos nenos de ter unha vida e unha existencia
dignas. O legado que lle deixo a UNICEF é para que siga funcionando, esforzándose e
traballando, para que os nenos, e especialmente as nenas, teñan
esperanza cando eu xa non estea aquí," indicou Romana nunha
entrevista á Revista de Socios de UNICEF España.
Non é necesario
dispoñer dunha gran fortuna para compartila con UNICEF e cos nenos. Calquera doazón, por
pequena que sexa, pode marcar a diferenza na vida de moitos nenos
en todo o mundo. Se queres informarte sobre como incluír aUNICEF no teu testamento contacta
connosco no 913789571,[email protected] ou pica nesta web.
Moitas
organizacións sociais en España celebran este Día Internacional do
Legado Solidario para concienciar a poboación española sobre a
importancia que ten esta forma alternativa de
colaboración.