Crise de Sirya: tres anos de traballo polos nenos
Mentres o conflito en Sirya se achega ao seu terceiro aniversario, UNICEF segue traballando dentro e fóra do país, para conseguir cambios reais nas vidas de miles de nenos afectados pola guerra.
En situacións de conflito armado, a inseguridade e a falta de acceso humanitario dificulta moitas veces o traballo das organizacións humanitarias.
Non obstante, a pesar das dificultades, conséguense resultados que moitas veces supoñen a diferenza entre a vida e a morte de moitos nenos.
Os nenos son sempre os máis vulnerables ante á violencia e a falta de servizos básicos que produce unha guerra.
O obxectivo do traballo de UNICEF nunha emerxencias é garantir que os nenos teñen os mesmos dereitos que nunha situación normal, isto é, acceso a servizos básicos de auga e saneamento, nutrición axeitada e educación. E, por suposto, asegurar que están protexidos fronte á violencia, abusos ou maltratos.
Crise de Sirya: logros conseguidos en 3 anos de conflito
Os programas de auga e saneamento, educación e protección de UNICEF tanto dentro de Sirya coma fóra do país, nos campamentos de refuxiados dos países veciños, mantivéronse en marcha durante estes tres anos de conflito.
Grazas á contribución de miles de socios, doadores e institucións, UNICEF Comité Español apoiou os programas de emerxencia en Sirya con máis de 1 millón de euros. Estes son algúns dos resultados conseguidos, grazas ás achegas voluntarias de socios, doadores e gobernos de todo o mundo.
- 10 millóns de persoas con acceso a auga potable dentro de Sirya e máis de 343.446 fóra do país.
6,7 millóns de nenos vacinados contra o sarampelo e máis de 9 millóns contra a polio en Sirya e países veciños. - 928.326 nenos tiveron acceso a apoio psicosocial dentro e fóra do país.
- Máis de 487.000 nenos matriculados en programas de ensino en Sirya e países afectados.
- Distribución de subministracións dentro de Sirya, en lugares como Homs, Alepo, e as zonas de difícil acceso do país.