Concurso de debuxo sobre a educación en África
Como che gustaría que fosen os colexios para os nenos en África? Baixo este lema, IKEA convocou a todos os nenos a participar cos seus mellores debuxos no concurso Escolas para África, que remata o 30 de decembro. O obxectivo é sensibilizar e involucrar as familias na necesidade de mellorar a educación neste continente.
O concurso enmárcase dentro da campaña Peluches para a Educación, lanzada por sétimo ano consecutivo porUNICEF,Save the Children e a Fundación IKEA. Por cada peluche adquirido ata o 5 de xaneiro nas tendas IKEA, a empresa sueca doa 1 € a UNICEF e Savethe Children para proxectos de educación infantil en África, Asia e Europa. A educación contribúe a mellorar as condicións de vida e erradicar o círculo de pobreza que sofre a infancia no mundo en desenvolvemento. Neste sentido, a acción deUNICEF céntrase naescolarización da infancia máis vulnerable: nenos orfos, desprazados por desastres naturais ou conflitos armados, nenos de áreas rurais ou remotas, así como os afectados pola pobreza extrema.