UNICEF reclama protección para os nenos ante o aumento da violencia nos Territorios Palestinos Ocupados e Israel
O Fondo de Nacións Unidas para a Infancia,UNICEF, mostrou hoxe a súa profunda preocupación polo aumento da violencia nos Territorios Palestinos Ocupados e Israel, e polo seu impacto na infancia.
Xerusalén. "Nas últimas semanas
fomos testemuñas dunha serie de incidentes nos que perderon a vida
nenos palestinos e israelís, en ocasións do xeito máis
terrorífico", dixo Jean Gough,
Representante Especial de UNICEF nos
Territorios Palestinos Ocupados. "Moitos nenos resultaron
feridos e presenciaron a morte ou os danos producidos a familiares
próximos. Facemos un chamamento a todas as partes para que
fagan todo o posible por protexer os nenos e poñer fin á violencia.
"
No que levamos de ano, oito nenos palestinos morreron a
causa da violencia, incluíndo tres nenos que faleceron hai
dous días por un proxectil de
un tanque israelí na Franxa de Gaza. Máis de 60 nenos resultaron
feridos, incluíndo polo menos 12 menores de 12 anos.
Onte varios nenos israelís resultaron feridos por
un artefacto explosivo colocado preto dunha estación de autobuses
en Xerusalén. A principios deste mes, tres nenos israelís foron
asasinados en Cisxordania, entre eles, un bebé de tres meses.
O lanzamento de foguetes dende Gaza por parte de militantes
palestinos aumentou recentemente.UNICEF insta ás partes implicadas a
protexer os dereitos e o benestar de todos os nenos e a respectar aConvención sobre os Dereitos do Neno, a lei
humanitaria internacional e a lexislación que protexe os Dereitos
Humanos.
Acerca de UNICEF
UNICEF traballa no terreo en máis de 150 países e territorios para tratar de garantir aos nenos e as nenas o dereito a sobrevivir e a desenvolverse dende a primeira infancia ata a adolescencia. UNICEF, que é o maior provedor de vacinas para os países en desenvolvemento, traballa para mellorar a saúde e a nutrición da infancia; o abastecemento de auga e saneamento de calidade; a educación básica de calidade para todos os nenos e nenas e a protección dos nenos e as nenas contra a violencia, a explotación e o VIH/SIDA.UNICEF está financiado na súa totalidade polas contribucións voluntarias de individuos, empresas, fundacións e gobernos.