UNICEF proporciona axuda de emerxencia aos nenos somalís
Os nenos somalís, ademais dos moitos retos aos que se enfrontan, están a sufrir, nestes momentos, os efectos da seca debida á ausencia das chuvias estacionais (outubro a xaneiro).
Nairobi, Kenya -Para apoiar estes nenos e as súas familias,UNICEF está a traballar na provisión de axuda humanitaria de emerxencia a máis de 900.000 persoas ao longo do país, subministrando servizos de auga, saneamento, hixiene, saúde, nutrición e educación. As áreas afectadas pola seca inclúen as rexións do Sur e Centro de Somalia e a rexión de Sool e Sanaag (entrePuntlandia e Somalilandia).Crise de alimentos, cuns 246.000 nenos severamente desnutridos
Unha avaliación recente realizada pola Unidade de Análise sobre Seguridade Alimentaria e Nutrición (FSNAU nas súas siglas en inglés), ao longo do país, estima que case 2,4 millóns de persoas (aproximadamente un 32% da poboación) están atravesando actualmente unha crise humanitaria e de alimentos, cuns246.000 nenos severamente desnutridos.Para asegurar que a resposta á seca é efectiva, en termos de custos e sostibilidade, UNICEF está a traballar nas áreas afectadas con aliados locais e internacionais, para rehabilitar e reparar fontes estratéxicas de auga (por exemplo pozos e pozos de sondaxe) en lugar de enviar camións de auga.
Por exemplo,UNICEF abriu un novo pozo a semana pasada en Saddex Higlo, no sur deMudug, que está a proporcionar auga a case 1.000 familias. "A poboación adoitaba depender moito dos camións de auga e necesitaba 10 tanques de auga a diario, que custaban 1.400 dólares. Agora, co novo pozo, a poboación non terá que perder moito tempo e diñeiro para ter auga", dixoAli Dahir, Coordinador de programas da Organización Somalí para o Desenvolvemento e a Axuda Humanitaria, responsable da perforación. Garantir a subministración de auga a nivel local
Na súa visita aSaddex Higlo, a Representante deUNICEF en Somalia,Rozanne Chorlton, dixo: "É marabilloso ver que o problema de auga desta zona estea resolto, especialmente porque calquera crise que afecte á poboación somalí é unha crise para os nenos somalís. Os nenos son as persoas máis vulnerables da sociedade e calquera adversidade lles afecta máis a eles. A actual seca é outra traxedia que lles sucede aos nenos somalís, afectados xa polo continuo conflito e desprazamento, pero UNICEF continuará apoiando ás comunidades para atender estes desafíos, aínda cando o acceso ás áreas en disputa fai o noso traballo máis difícil. " Nas áreas afectadas pola seca, UNICEFe os seus aliados tamén están a introducir un sistema de vales para permitir ás familias de baixos ingresos comprar a auga localmente. Isto non só garante a subministración de auga ás familias, aínda cando os prezos soben, senón que tamén garante que é apta para uso doméstico.
Ademais, UNICEF está a apoiar a construción de latrinas e subministra saneamento e hixiene (comprimidos de auga, cloro, bidóns de auga, garrafas) que beneficia a agricultores nómades, fogares, pobos e campamentos de desprazados. Tamén se levan a cabo actividades complementarias de promoción da hixiene para previr o brote de diarreas agudas. Nas comunidades afectadas, UNICEFtamén está a proporcionar apoio en intervencións de saúde e nutrición, incluíndo programas terapéuticos de pacientes externos (OTP), programas de alimentación suplementaria (SFP) e a subministración de medicinas básicas, sales de rehidratación oral (ORS) e servizos rutineiros de inmunización, a través de postos de saúde móbiles e equipos sanitarios.
Acerca de UNICEF
UNICEF traballa no terreo en máis de 150 países e territorios para tratar de garantir aos nenos e as nenas o dereito a sobrevivir e a desenvolverse dende a primeira infancia ata a adolescencia. UNICEF, que é o maior provedor de vacinas para os países en desenvolvemento, traballa para mellorar a saúde e a nutrición da infancia; o abastecemento de auga e saneamento de calidade; a educación básica de calidade para todos os nenos e nenas e a protección dos nenos e as nenas contra a violencia, a explotación e o VIH/SIDA.UNICEF está financiado na súa totalidade polas contribucións voluntarias de individuos, empresas, fundacións e gobernos.