UNICEF pon o acento na educación das adolescentes no Día Internacional da Muller
No centenario do Día Internacional da Muller, UNICEF chama a atención sobre os 515 millóns de nenas adolescentes no mundo en desenvolvemento que poden axudar ás súas familias, comunidades e países a prosperar se se lles dota de educación.
Xenebra - A educación secundaria é fundamental para o desenvolvemento das nenas, o seu empoderamiento e a súa protección. Contribúe a unha maior participación cívica, e axuda a combater a violencia, o acoso sexual e a trata de persoas. A extensión da educación ás adolescentes tamén contribúe areducir a mortalidade infantil, atrasar a idade para casarse, reducir a incidencia da violencia doméstica, menores taxas de fecundidade e mellorar a nutrición infantil. Tamén é a mellor defensa coñecida contra o VIH/SIDA, á que as adolescentes son especialmente vulnerables. A nivel mundial, máis do 60% de todos os mozos que viven coVIH/SIDA son mulleres, e na África subsahariana esta cifra elévase a case o 70%. Na actualidade, case 71 millóns de adolescentes non están escolarizados, dos que máis da metade son nenas. A maioría das menores que non van á escola son pobres e viven nos países menos desenvolvidos.
Convertendo en obrigatoria a escolarización no nivel secundario, os gobernos ofrecen un incentivo máis forte ás familias para garantir que os seus fillos completen a educación primaria. As taxas de matrícula son a miúdo prohibitivas para as familias pobres. Abolindo as cotas escolares para a escola primaria e secundaria, un maior número de nenos podería seguir estudando e aprendendo. Débense realizar esforzos adicionais para chegar aos adolescentes máis marxinados, os mozos que a día de hoxe sofren discriminación por razón do seu sexo, etnia, situación económica ou capacidade física. Estes adolescentes e as súas familias non poden ter acceso ás escolas como resultado da estigmatización social.
As adolescentes son a clave para converter a segunda década da vida nun momento de oportunidades. Merecen o mesmo acceso á educación e a formación.
Acerca de UNICEF
UNICEF traballa no terreo en máis de 150 países e territorios para tratar de garantir aos nenos e as nenas o dereito a sobrevivir e a desenvolverse dende a primeira infancia ata a adolescencia. UNICEF, que é o maior provedor de vacinas para os países en desenvolvemento, traballa para mellorar a saúde e a nutrición da infancia; o abastecemento de auga e saneamento de calidade; a educación básica de calidade para todos os nenos e nenas e a protección dos nenos e as nenas contra a violencia, a explotación e o VIH/SIDA.UNICEF está financiado na súa totalidade polas contribucións voluntarias de individuos, empresas, fundacións e gobernos.