UNICEF insta a traducir en accións os compromisos de investimento en infancia da Conferencia de Financiamento para o Desenvolvemento
Na clausura da terceira Conferencia Internacional de Financiamento para o Desenvolvemento, UNICEF insta a comunidade internacional a que converta as súas promesas de investimento na infancia e xuventude en accións concretas que reduzan a inequidade e proporcionen a todos os nenos unha oportunidade xusta na vida.
UNICEF manifesta
a súa satisfacción polo recoñecemento da Conferencia
de Addis
Abeba de
que investir en infancia e xuventude é "crítico para conseguir un
desenvolvemento inclusivo, equitativo e sostible". Isto representa
un cambio significativo, da percepción dos nenos como destinatarios
pasivos do gasto social, a velos como axentes de crecemento e
desenvolvemento futuro.
UNICEF tamén
apoia o recoñecemento que a Conferencia fai da "vital importancia
de promover e protexer os dereitos de todos os nenos, e asegurar
que ningún neno se queda atrás", e cre que isto proporciona unha
base sólida para as negociacións finais da axenda para o
desenvolvemento post-2015,
incluíndo os Obxectivos de Desenvolvemento Sostible
(ODS).
"Aquí en Addis
Abeba os
estados membros acordaron unha folla de ruta mundial para o
financiamento do desenvolvemento que recoñece, con máis rotundidade
que nos acordos previos, que investir na infancia é o eixe central
para o crecemento inclusivo e sostible,"
dixo Yoka
Brandt,
directora executiva adxunta de UNICEF.
"A axenda de acción de Addis
Abeba resalta
a equidade e chegar aos máis vulnerables. Combinada cos Obxectivos
de Desenvolvemento Sostible, que tamén dan unha clara prioridade
aos intereses dos nenos e á equidade, agora temos unha nova base
global e robusta para crear un mundo axeitado para os
nenos".
Non obstante, UNICEF prevén
contra a compracencia e fai un chamamento á comunidade
internacional para construír os compromisos acordados
en Addis
Abeba:
· Priorizar o
investimento en servizos básicos e universais como a educación,
redes de protección social, coidado da saúde, vacinación, auga e
saneamento e protección infantil.
· Identificar e
centrarse nos grupos e as comunidades con maiores
necesidades.
· Mobilizar progresivamente
recursos adicionais para dotar de fondos ás áreas
dos ODS,
insuficientemente financiadas, con maior impacto na infancia como a
nutrición, a protección infantil e o desenvolvemento na primeira
infancia.
· Mellorar a
información
sobre os gastos relacionados coa infancia, documentando o importe
de fondos que se destinan aos grupos ou áreas con maior incidencia
de nenos en situación de privación.
"Debemos asegurarnos de que a infancia máis vulnerable e desfavorecida está no punto de mira dos ODS e de como enfocamos a mobilización dos fondos que se necesitan para conseguir os obxectivos", dixo Brandt. "Temos unha oportunidade única para traducir os compromisos e promesas en accións, e levar a retórica a resultados prácticos para todos os nenos"
Para descargar fotos e vídeos: http://weshare.unicef.org/C.aspx?VP3=SearchResult&ALID=2AM4080L71JN