UNICEF fai un chamamento ao Consello Europeo para que aborde a difícil situación dos nenos refuxiados e migrantes
A reunión que celebra esta semana o Consello Europeo en Bruxelas é unha oportunidade perfecta para a Unión Europea para comezar a pór en marcha acciones concretas e medibles que sirvan para facer fronte ás necesidades dos nenos vulnerables refuxiados e migrantes.
Algunhas destas medidas xa se incluíron na Declaración de Nova York sobre os Refuxiados e Migrantes, emitida despois dunha reunión sen precedentes entre os xefes de Estado e de goberno na Asemblea Xeral da ONU hai pouco máis dun mes. A súa inclusión subliñou unha realidade: que hoxe en día, en todo o mundo, hai preto de 50 millóns de nenos que se viron obrigados a desprazarse por culpa da violencia e os conflitos ou tiveron que emigrar a través das fronteiras.
Entre os compromisos destinados a
facer fronte a este nivel sen precedentes de mobilidade humana, os
asinantes da Declaración de Nova York comprometéronse a garantir
que todos os nenos refuxiados e migrantes volvesen recibir
educación aos poucos meses da súa chegada, así como a traballar
para pór fin ás detencións daqueles nenos que están á espera de que
se determine a súa situación migratoria.
UNICEF fai un chamamento á Unión
Europea e o resto da comunidade internacional para centrar a
atención en seis acciones específicas encamiñadas a axudar
aos nenos desprazados, refuxiados e migrantes que foron
desarraigados dos seus fogares:
· Protexer aos nenos refuxiados e
migrantes da explotación e a violencia, en particular aos nenos non
acompañados
· Pór fin á detención de nenos que
solicitan a condición de refuxiado ou que migran, mediante a
introdución dunha serie de alternativas prácticas.
· Manter unidas ás familias como a
mellor maneira de protexer aos nenos e dotarlles dun status
legal.
· Conseguir que os nenos
refuxiados e migrantes sigan recibindo educación e que teñan acceso
a un sistema sanitario de calidade.
· Presionar para que se actúe
sobre as causas subxacentes dos movementos a gran escala de
refuxiados e migrantes.
· Promover medidas para loitar
contra a xenofobia, a discriminación e a marxinación
Acerca de UNICEF
UNICEF promove
os dereitos e o benestar de todos os nenos e nenas en todo o que
facemos. Xunto aos nosos aliados, traballamos en 190 países e
territorios para transformar este compromiso en accións prácticas,
centrando especialmente os nosos esforzos en chegar aos nenos máis
vulnerables e excluídos para o beneficio de todos os nenos, en
todas partes.