UNICEF E O PMA TRABALLAN PARA REMATAR COA DESNUTRICIÓN EN SUDÁN DO SUR
COMUNICADO CONXUNTOO Programa Mundial de Alimentos (PMA) e UNICEF están a intensificar os seus esforzos para reverter a situación da desnutrición grave en Sudán do Sur, onde o brutal conflito forzou o desprazamento de millóns de persoas, destruído os servizos básicos e provocado un aumento das enfermidades e agravado a situación de fame.
UNICEF e
o PMA lanzaron
hoxe un plan conxunto de resposta para mellorar a nutrición, que
permitirá a ambas as dúas axencias e os seus aliados apoiar máis de
dous millóns de persoas - nenos, mulleres embarazadas e novas nais-
no tratamento e prevención da desnutrición aguda no país ata maio
de 2016. Ambas as dúas axencias comezaron a traballar de forma
conxunta neste novo enfoque o ano pasado e agora embárcanse no
segundo ano do plan co compromiso de ampliar o seu traballo para
salvar vidas.
"En Sudán do Sur, cada dous minutos, outro neno pasa a ser un neno
severamente desnutrido. O ano pasado axudamos a evitar unha
fame.
Agora debemos aumentar os nosos esforzos para evitar unha perda
catastrófica de vidas de nenos pequenos",
dixo Jonathan
Veitch,
representante de UNICEF en
Sudán do Sur.
Esta renovada estratexia conxunta vai acompañada por un informe que
mostra que a acción emprendida no primeiro ano por ambas as dúas
axencias axudou a previr a fame e a salvar vidas, ao chegar a un
millón de persoas en todo o país mediante métodos innovadores como
os equipos conxuntos de resposta rápida nos estados afectados polo
conflito e unha mellora da resposta nos estados non
afectados.
"No primeiro ano traballamos baixo condicións extremadamente
difíciles para levar a atención nutricional que tanto necesitaban a
todas as persoas que puidemos en todos os lugares que puidemos",
dixo Joyce
Luma,
director de país e representante do PMA en
Sudán do Sur. "Se miramos cara a diante, queremos mellorar
a calidade dos servizos de nutrición para seguir previndo e tratando
a desnutrición aguda".
O plan de resposta conxunto cobre todos os estados de Sudán do Sur.
Buscarase involucrar máis aliados locais e do goberno, e mellorar a
súa capacidade para tratar a desnutrición. O plan de resposta
nutricional tamén traballará para abordar as causas e orixe da
desnutrición, como a pobreza, auga e saneamento axeitados e hábitos
alimenticios de bebés e nenos.
A desnutrición en Sudán do Sur é un problema crónico, así como a
situación de grave emerxencia actual, e é necesario un enfoque
tanto na prevención coma en proporcionar unha xestión de calidade
da desnutrición aguda para garantir a saúde da próxima
xeración.
A taxa de desnutrición aguda global (GAM,
polas súas siglas en inglés) segue sendo alarmantemente alta - moi
por enriba do albor de emerxencia do 15% na maior parte do país -
especialmente nas rexións os Estados do Gran
Alto Nilo, Warrap e
o norte de Bahr
el Ghazal.
Un cuarto de millón de nenos están gravemente
desnutridos.
Mentres o acordo de paz asinado en agosto ofrece esperanza para o
novo país, os servizos básicos de saúde e nutrición continúan fóra
do alcance de gran parte da poboación. Dende abril, os intensos
combates obrigaron centos de miles de persoas a fuxir á selva ou
pantanos en busca de protección, onde quedan lonxe da asistencia
humanitaria. Os servizos básicos que se restableceron o ano pasado
foron destruídos, incluíndo hospitais, augas potables e centros de
tratamento de nutrición -tanto ambulatoria e como en instalacións
sanitarias.
Dende que comezase o conflito en decembro de 2013, máis de dous
millóns de persoas víronse forzadas a desprazarse dos seus fogares
en Sudán do Sur, máis da metade deles nenos. As axencias
humanitarias seguen facendo fronte aos desafíos para continuar
chegando á poboación afectada con servizos de
nutrición.
O programa de nutrición de UNICEF e
o PMA que
salva vidas en Sudán do Sur está financiado por varios doadores,
entre eles, a Comisión Europea, Xapón, Noruega, Suíza, o Reino
Unido e os Estados Unidos.