UNICEF: 850.000 nenos tratados este ano contra a desnutrición aguda grave no Sahel
Un informe destaca o desafío que supón chegar ata todos aqueles con necesidadesUn informe de progresos de UNICEF cifra en máis de 850.000 os nenos que terán recibido tratamento contra a desnutrición aguda grave en nove países da rexión do Sahel ao longo deste ano.
Esta é unha cifra
estimativa, que se obtivo tomando como referencia os 730.000 nenos
menores de cinco anos que foron tratados dende xaneiro ata finais
de setembro.
UNICEF advertiu en decembro de 2011 de
que 1,1 millón de nenos sufrirían desnutrición aguda grave noSahel e necesitarían unha asistencia
especializada. Con gobernos, axencias da ONU e outras organizacións humanitarias púxose en
marcha unha das maiores respostas humanitarias deste tipo
realizadas na rexión, contando co apoio de grandes doadores e cos
chamamentos lanzados polos Comités Nacionais de UNICEF.
O informe afirma que o financiamento inicial de doadores como os
gobernos de Suecia e Dinamarca, a Unión Europea e USAID, supuxo que puidesen comprar e
pre-posicionar ao seu debido tempo subministracións cruciais de
alimento terapéutico listo para usar. Non obstante, este ano
producíronse desafíos significativos, como o desprazamento de
persoas a países veciños debido ao conflito en Malí, a inseguridade e as fortes inundacións.
"Coa nosa experiencia na rexión sabiamos que nos enfrontariamos a
desafíos graves para chegar a todos os nenos" dixo Manuel Fontaine, Director en funcións deUNICEF na rexión. "Evitouse unha gran
catástrofe. Pero non deberiamos ser compracentes, porque aínda hai
nenos que morren por causas evitables. ""Ademais, a experiencia de 2012 suxírenos que quizais esteamos
a subestimar con regularidade o verdadeiro número de nenos que
sofren. Todos temos que buscar solucións máis dinámicas para lograr
que as comunidades teñan maior capacidade de resistencia e de facer
fronte a múltiples impactos", engadiu Fontaine.
Aínda que parece que as chuvias están a producir mellores colleitas
na maior parte da subrexión, as familias poden tardar ata dous anos
en recuperarse da perda de animais e de ter que pagar altos prezos
polos alimentos durante moito tempo. Ademais, a desnutrición
infantil é unha condición que erosiona de forma permanente a
capacidade de absorción de nutrientes, aínda cando hai comida
dispoñible que é considerada apropiada polos adultos.
"Desafortunadamente non existe vacina contra a desnutrición aguda
grave, " dixo Fontaine. "Pode que
moitos nenos das familias máis pobres do Sahel teñan que enfrontarse a ciclos que
regularmente poñerán as súas vidas en perigo. En 2012 o enorme
esforzo realizado supuxo que fosemos capaces de brindar os coidados
necesarios a cada neno que puido chegar a un centro de tratamento.
Pero temos que chegar a unha situación na que existan uns sistemas
máis robustos e que os centros de tratamento reciban cada vez menos
nenos".
Para descargar fotos e videos en alta calidade sobre a Crise humanitaria do Sahel:
https://unicefweb.unicef.es/com/sahel
Usuario: Refcom
Contrasinal: uce442087