"Unha nova crise humanitaria podería xurdir para os nenos de Nepal"
Declaración de Anthony Lake, director executivo de UNICEF"En primeiro lugar, houbo un acto devastador da natureza: os terremotos que chegaron e danaron tantas vidas. Agora, as diferenzas políticas entre os seres humanos supoñen un novo golpe para os nenos de Nepal. E as forzas da natureza pronto regresarán mentres o inverno agrava a pobreza.
A diminución das reservas de gas,
alimentos e medicamentos, xunto co peche das escolas debido aos
conflitos políticos nas chairas de Terai e a escaseza de
combustible en todo o país, non só están infligiendo dano á vida
dos nenos agora, senón que ameazan o futuro do propio país.
Nos últimos días puiden ver por
min mesmo que os refuxios temporais construídos tras o terremoto,
apenas poderán proporcionar unha protección mínima cando comece o
próximo inverno. A colleita en curso está debilitada por mor das
leves choivas. O gas para as cociñas e outros combustibles son
escasos. A carestía de medicamentos podería afectar gravemente á
capacidade para facer fronte a enfermidades como a pneumonía nos
próximos meses fríos. Unha nova crise humanitaria, ameaza.
Solicitamos urxentemente a todos
os implicados pensar non só no próximo inverno, senón tamén no
futuro a longo prazo.
Só no sur, estímase que máis dun
millón e medio de nenos están fóra da escola.
Cando as portas das escolas están
pechadas para os nenos, péchanse tamén aos seus soños e ambicións.
E polo tanto, ao futuro das súas familias, as súas comunidades e a
súa nación."
Para contribuír ao traballo de
UNICEF en Nepal: