Ucraína: chegan tratamentos contra o VIH/SIDA a zonas afectadas polo conflito
Hoxe chegou a Ucraína o primeiro envío de medicamentos antirretrovirales para adultos e nenos con VIH/SIDA que viven nas zonas afectadas polo conflito no leste do país. Proximamente chegarán máis cargamentos.
Esta é a primeira partida de fármacos antirretrovirales que
se envía tras o acordo alcanzado por UNICEF e
o Fondo Mundial de loita contra a SIDA, a tuberculose e a malaria;
esta alianza por valor de 3,7 millóns de dólares (3,3 millóns de
euros) prevé a provisión urxente de subministracións contra
o VIH/SIDA
para adultos e nenos nas zonas do leste de Ucraína non controladas
polo goberno.
O acordo garante a continuidade do tratamento
con antirretrovirales durante
un ano para máis de 8.000 adultos e nenos portadores
do VIH,
así como a realización da proba do VIH a
máis de 31.000 mulleres embarazadas e os seus
fillos.
A estreita colaboración de UNICEF co Medicines
Patent Pool,
a Rede Ucraína de persoas que viven co VIH e
algúns fabricantes farmacéuticos, traduciuse nun importante aforro
de custos e na aceleración da adquisición.
UNICEF advertiu
de que a saúde de miles de nenos e adultos nas zonas afectadas polo
conflito en Donetsk e Luhansk estará
en risco se non reciben a súa dose diaria
de antirretrovirales.
Cando o tratamento se detén, aínda que sexa de forma temporal, unha
persoa seropositiva está nun maior risco de volverse resistente ao
medicamento, desenvolver a enfermidade ou morrer. Se unha muller
seropositiva embarazada deixa de recibir tratamento a súa saúde
sufrirá e o seu bebé será máis proclive á infección.
"Interromper a distribución segura de subministracións e medicinas nas zonas en
conflito pode supoñer unha sentenza de morte para as persoas
con VIH",
dixo Craig McClure,
xefe de VIH/SIDA
de UNICEF.
"A saúde e supervivencia dos nenos, mulleres e homes debería estar
por enriba das disputas xeopolíticas".
"A través de aliados comprometidos estámonos a centrar en
comunidades vulnerables que necesitan a subministración de
medicinas fundamentais. É absolutamente esencial para a saúde e o
benestar das persoas que viven con VIH no
leste de Ucraína", dixo Maria
Kirova,
directora do departamento do Fondo Global para Europa do
Leste.
As rexións do sur de Ucraína, como Donetsk e Luhansk,
teñen a prevalencia de VIH máis
alta do país: 644 casos por cada 100.000 persoas.
O conflito armado no leste de Ucraína ameazou aínda máis a saúde
dos nenos e adultos seropositivos.
Preto de 14.000 adultos e nenos con VIH viven
en áreas que non están baixo o control gobernamental. Deles, 8.000
están en risco de que o seu tratamento se
interrompa.
O tratamento das persoas noutras zonas do país está garantido pola
axuda regular do Fondo Global e polo financiamento adicional dos
presupostos de Ucraína. UNICEF adquirirá
as medicinas e kits de probas necesarios e apoiará a súa
distribución.
"UNICEF non
está a escatimar esforzos para evitar a interrupción do tratamento,
mediante a distribución directa de subministracións e servizos
esenciais aos nenos e as súas familias tanto nas áreas controladas
polo goberno coma nas que non o están",
dixo Marie-Pierre
Poirier,
directora rexional de UNICEF para
Europa Central e do Leste e Comunidade de Estados Independentes.
Estamos a traballar cos nosos aliados do goberno, Nacións Unidas e
a sociedade civil para proporcionar a asistencia que tanto
necesitan os nenos e adultos que viven con VIH".