Serra Leoa: enfermos de malaria non acoden ao médico por medo a ser considerados sospeitosos de ébola
Ao redor de 2,4 millóns de persoas recibirán medicamentos contra a malaria nunha campaña apoiada por UNICEF que comeza hoxe. Nun momento no que se achega a época de maior transmisión de malaria, esta manobra pretende reducir os casos de malaria, aliviar a presión do sistema de saúde e permitir que os casos reais de ébola sexan identificados e tratados.
"A malaria é a primeira causa de morte en Serra Leoa, pero os
pacientes que puideron contaxiarse non buscan atención médica por
medo a ser rexeitados nos centros de saúde como sospeitosos de
ter ébola",
dixo Roeland
Monash,
representante de UNICEF no
país. "A xente mórrese nas súas comunidades pola falta de
diagnóstico e tratamento. Esta campaña contribuirá á loita contras
as dúas enfermidades, a malaria e o ébola".
Os síntomas da malaria -febre, dor de cabeza e das articulacións-
son tan parecidos aos do ébola na
súa primeira fase que é doado diagnosticar de xeito erróneo,
causando confusión entre os pacientes e o persoal sanitario, así
como ingresos innecesarios nos centros de tratamento
do ébola.
Ao reducir o número de persoas que presentan febre alta, menos
pacientes requirirán ser avaliados e illado para descartar que
oébola sexa
a causa da súa enfermidade. Tamén reducirá o risco de que os
pacientes de malaria contraian ébola.
Durante esta campaña, apoiada polo goberno alemán, máis de 9.300
traballadores sanitarios das comunidades irán porta a porta nos
distritos con maior risco de ébola para
axudar a administrar a medicación contra a malaria a todas as
persoas a partir dos 6 meses de idade. Tamén ensinarán ás familias
as similitudes dos síntomas do ébola e
a malaria e a importancia de tomar os medicamentos que salvan
vidas.
"O éxito da campaña dependerá agora de que os pais e cabezas de
familia aproveiten esta oportunidade",
dixo Monasch.
"As pastillas contra a malaria son efectivas e deben administrarse
segundo o indicado polo persoal sanitario. Neste sentido, cada
cidadán pode xogar o seu papel en reducir a desgracia e a
fatalidade causadas pola malaria en Serra Leoa, pero ao mesmo tempo
cada cidadán estará tamén a contribuír aos esforzos contra
o ébola".
En xaneiro de 2015 terá lugar unha segunda rolda desta distribución
de medicamentos contra a malaria apoiada por diferentes
aliados.
######
Máis información sobre o traballo de UNICEF contra o ébola:
Para contribuir ao traballo de UNICEF contra o ébola únete a Champions for Life:
http://www.unicef.es/championsforlife
Nota para a redacción: O Ministerio de Saúde e Saneamento e o Centro Nacional de Resposta contra o Ébola lideran esta campaña co apoio de UNICEF, en alianza co Fondo Mundial da loita contra a SIDA, a Tuberculose e a Malaria, Médicos Sin Fronteras, a OMS e Roll Back Malaria.
Acerca de UNICEF
UNICEF promove os dereitos e o benestar de todos os nenos e nenas en todo o que facemos. Xunto aos nosos aliados, traballamos en 190 países e territorios para transformar este compromiso en accións prácticas, centrando especialmente os nosos esforzos en chegar aos nenos máis vulnerables e excluídos para o beneficio de todos os nenos, en todas as partes.