Preto de 60.000 nenos necesitan asistencia inmediata tras o paso do ciclón Pam en Vanuatu
Polo menos 70.000 nenos viron interrompida a súa educaciónDecenas de miles de nenos necesitan asistencia de xeito urxente en Vanuatu despois de que o ciclón tropical Pam arrasase a illa.
" Ao redor de 60.000 nenos de Vanuatu están
afectados", dixo Isabelle
Austin,
Representante adxunta de UNICEF Pacifico.
"Estamos
particularmente preocupados pola súa saúde, nutrición, seguridade,
escolaridade e recuperación".
A tormenta de categoría 5 chegou a noite do venres (13 de marzo) e
continuou ata as primeiras horas da mañá do sábado, deixando os
nenos nunha situación particular de risco.
"Parecía coma se o mundo estivese a chegar ao seu fin",
dixo Alice
Clements,
un dos membros do persoal de UNICEF que
se encontraba na capital, Port
Vila,
cando golpeou a tormenta. "Os ventos eran incriblemente fortes,
arrancaban teitos, destruían casas e prexudicaron hospitais e
escolas. Son innumerables os fogares que foron sacudidos e hai
comunidades quedáronse en ruínas".
O acceso ás instalacións de auga potable e saneamento viuse
interrompido en moitos lugares en Vanuatu,
mesmo nos centros de evacuación, o que leva consigo un maior risco
de enfermidades transmitidas por auga e por
vectores. UNICEF está
a apoiar o Goberno e traballa con aliados para proporcionar
colectores de auga, pastillas potabilizadoras, xabón e latrinas e
instalacións sanitarias temporais.
UNICEF tamén
está a avaliar os danos en infraestruturas e servizos clave.
Numerosos xardíns de infancia e escolas primarias e secundarias
foron danados polo ciclón, ou están a ser utilizados como centros
de evacuación. Como resultado, polo menos 70.000 nenos en idade
escolar viron interrompida a súa educación.
UNICEF está
a ofrecer apoio a nenos e familias nos centros de evacuación
mediante servizos de protección da infancia, educación e
saúde.
UNICEF tamén
está a coordinar unha campaña de prevención contra o sarampelo en
colaboración coa Organización Mundial da Saúde (OMS)
e o Ministerio de Saúde de Vanuatu,
dadas as baixas taxas de vacinación no país e un recente brote de
sarampelo a principios de marzo. Os equipos
de UNICEF están
a restablecer as cámaras frigoríficas
esenciais para as vacinas utilizando as reservas de combustible de
emerxencia, co fin de que as vacinas, que salvan vidas, poidan ser
destinadas aos nenos.
UNICEF tamén
está a proporcionar asistencia ás comunidades
de Tuvalu e
as illas Salomón,
que tamén se viron afectadas.
Para contribuír ao traballo de UNICEF nesta
emerxencia:
https://www.unicef.es/cooperacion-internacional/donar-ong/hacer-donacion/fondo-de-emergencias Por teléfono: 902 31 41 31 (luns a venres de 9 a 22 h, sábados de 11 a 17 h.)
Acerca de UNICEF:
UNICEF promove
os dereitos e o benestar de todos os nenos e nenas en todo o que
facemos. Xunto aos nosos aliados, traballamos en 190 países e
territorios para transformar este compromiso en accións prácticas,
centrando especialmente os nosos esforzos en chegar aos nenos máis
vulnerables e excluídos para o beneficio de todos os nenos, en
todas as partes.