Os nenos da República Centroafricana necesitan con urxencia unha solución, esperanza e financiamento

Nas últimas 72 horas, a violencia sen sentido provocou moitas mortes e elevou a tensión en toda a República Centroafricana, horas antes das eleccións que teñen lugar hoxe para elixir un presidente interino do país.

Esta violencia provocou en Bouar a morte de tres nenos e 19 adultos que foron atacados mentres fuxían do norte. Este fin de semana Cruz Vermella axudou a enterrar unhas 50 persoas que morreron preto deBoyali, Boali e Bossembelepor enfrontamentos entre comunidades. Onte pola mañá dous homes morreron tras ser atacados con machados e pedras por parte dun grupo de Bangui, e posteriormente os seus corpos foron queimados en metade dunha rúa chea de transeúntes na que tamén había nenos. "Nos últimos meses os nenos da República Centroafricana padeceron unha violencia terrible, sufrimento e medo", dixo dendeBangui o Director Executivo deUNICEF, Anthony Lake. "Sufriron golpes mortais e feriron, e foron testemuñas de cousas terribles que ningún neno debería ver, e moito menos soportar. Demasiados nenos víronse desprazados dos seus fogares, separados das súas familias e recrutados por grupos armados". Uns 2,3 millóns de nenos sofren o conflito no país, sendo obrigados a deixar os seus fogares preto de medio millón de nenos e nenas no último ano, mentres que moitos se encontran escondidos nos bosques con pouco ou ningún acceso a servizos básicos ou axuda humanitaria. As escolas de todo o país están pechadas, os centros de saúde foron saqueados e os sistemas de auga foron destruídos. A tempada de chuvias, que comeza en marzo, empeorará unha situación humanitaria que xa é precaria para centos de miles de persoas que viven en campos de desprazados internos en todo o país. Hoxe a Unión Europea e as Nacións Unidas están a participar conxuntamente en Bruxelas nunha reunión de alto nivel sobre a resposta humanitaria e as necesidades de financiamento para a República Centroafricana. E en Xenebra, o Consello de Dereitos Humanos da ONU está a celebrar unha sesión especial sobre a República Centroafricana.UNICEF pide que os nenos estean no centro da resposta e que aumente o investimento dirixido a eles, se é que dalgún xeito existe a posibilidade de reconstruír os sistemas de saúde, educación e servizos comunitarios que protexen e alimentan os nenos. Isto requirirá tempo, compromiso e recursos. O traballo debe comezar agora.

"A República Centroafricana encóntrase nunha encrucillada. O que fagamos agora ou deixemos de facer terá un impacto nos próximos anos, non só nas vidas dos nenos, senón tamén en toda a sociedade," dixo Lake. "Se centramos con urxencia a atención, os recursos financeiros e a vontade política de todo o mundo, poderase recuperar a infancia dos nenos da República Centroafricana para poder lograr un impacto positivo nas súas vidas e, polo tanto, para o futuro de toda a sociedade. "