O 'Programa Electoral dos Nenos' adiántase ás eleccións
Máis de 100 propostas que farán chegar aos partidos políticos para que sexan incorporadas ao debate electoralOs nenos e adolescentes dos consellos locais de participación de 50 municipios españois prepararon o seu propio programa electoral para dar a coñecer as súas máis de cen propostas á sociedade e, en particular, aos partidos políticos co obxectivo de que sexan incorporadas ao debate electoral que xa se está a desenvolver de cara aos próximos comicios autonómicos e municipais.
O documento é froito dun proceso continuado de participación
infantil onde nenas, nenos e adolescentes de 8 a 17 anos de toda
España, tanto de grandes cidades como de pequenos pobos, fixeron
valer as súas opinións. Tras reflexionar, propoñer e debater
pactaron propostas concretas en torno a aqueles temas que máis lles
afectan: a crise, o sistema educativo, o ocio e tempo libre, a
integración e a minusvalidez, a violencia entre iguais e a
participación, entre outros.
Estas ideas, que deron
lugar ao Programa Electoral dos Nenos, foron consensuadas
polos nenos despois de varios meses de traballo no marco do
programa Cidades Amigas da
Infancia de UNICEF Comité
Español.
Baixo o lema A voz
de l@s niñ@s e a frase de Nelson
Mandela:
" Imposible? Todo parece imposible, ata que se fai" os
representantes infantís mobilizaranse para que as súas
propostas
sexan tidas en conta facendo a súa propia pegada de carteis
electorais nos seus municipios e cidades durante esta
semana.
Ademais, os consellos locais de Andalucía e Asturias elaboraron un
vídeo informativo no que recollen de forma resumida as principais
propostas que formulan aos representantes políticos.
Para descargar o Programa Electoral dos Nenos:
http://ciudadesamigas.org/wp-content/uploads/2015/04/propuestas_vota_por_mi.pdf