O novo acordo da UE e Turquía podería poñer en risco a miles de nenos
UNICEF expresou hoxe a súa profunda preocupación sobre o novo acordo entre a Unión Europea e Turquía, que entrará en vigor esta semana, xa que non ten en conta as necesidades apremiantes de 19.000 nenos migrantes e refuxiados atrapados en Grecia.
Os nenos constitúen o 40% da
poboación migrante e refuxiada en Grecia. Calcúlase que o 10% desta
poboación infantil son menores non acompañados.
UNICEF advirte que o novo acordo
podería empuxar a familias e nenos a tomar outras rutas máis
perigosas aínda, incluíndo a parte o mar Mediterráneo.
UNICEF acolle positivamente o
compromiso dos líderes da Unión Europea para determinar de maneira
individual o estado legal dos refuxiados e migrantes en lugar dos
expulsións colectivas, prácticas de rexeitamento ou outras medidas
que poidan ser daniñas para os nenos
A axencia para a infancia, en
calquera caso, insta a que se aborden un número de
prioridades:
· Que os nenos non
acompañados e separados das súas familias sexan debidamente
identificados e levados a centros de protección en lugar de
detención. Os menores non acompañados teñen dereito a que se lles
escoite e a que se faga unha avaliación plena sobre o seu interese
superior antes de que se tome calquera decisión relacionada con
eles incluíndo o retorno. A capacidade das institucións do estado
en Grecia necesita ser reforzada de forma significativa para que
poidan atender este volume de traballo.
· Que
os servizos amigables para familias e nenos tales como espazos
amigos da infancia, e áreas seguras para nais e fillos sexan
ampliados nos "Puntos Azuis".
· Os
nenos que estean atrapados durante longos períodos en Grecia
necesitarán máis servizos básicos tales como educación en
emerxencias. Moitos nenos estiveron fóra da escola durante varios
meses e poderían beneficiarse aínda de programas curtos de
aprendizaxe.
·
Para previr brotes de enfermidades entre os nenos, ten que
considerarse urxentemente a vacinación de nenos migrantes e
refuxiados, especialmente porque moitos deles estiveron vivindo en
condicións insalubres durante semanas. Unha acción inicial
incluiría vacinar contra o sarampión, a polio e infeccións por
neumococo.