Millóns de nenos dependen da axuda humanitaria para sobrevivir
O 19 de agosto conmemórase o Día Mundial da Asistencia HumanitariaMillóns de nenos sofren as consecuencias de catástrofes naturais, crise ou conflitos armados: falta de acceso a auga potable, problemas de desnutrición ou interrupción da súa educación, entre outras.
En 2015 millóns de nenos enfróntanse en decenas de países a
situacións de emerxencia. En Sirya máis de catro anos de guerra
están a deixar profundas cicatrices nos 5,6 millóns de nenos que
están dentro do país, os 2 millóns que se viron forzados a
abandonalo e os 3,6 millóns das comunidades que os acolleron. En
Nepal 1,1 millóns de nenos necesitan asistencia humanitaria urxente
como consecuencia do terremoto. A violencia en Sudán do Sur e na
República Centroafricana está a afectar a un total de máis de 4
millóns de nenos, que necesitan servizos básicos e, sobre todo,
protección contra a violencia que están a sufrir. En Iemen 10
millóns de nenos necesitan axuda humanitaria
urxente.
Hoxe conmemórase o Día Mundial da Asistencia Humanitaria, unha data
que recoñece o labor dos traballadores humanitarios en todo o
mundo. O secretario xeral da ONU, Ban Ki-moon,recordou na súa mensaxe que " máis de 100 millóns de mulleres,
homes e nenos necesitan asistencia humanitaria para
sobrevivir".
En 2014, un ano desvastador para a infancia, o traballo humanitario de UNICEF respondeu ás necesidades dos nenos afectados por 294 situacións de emerxencia en 98 países. Logros como o tratamento contra a desnutrición aguda grave para 2,3 millóns de nenos menores de cinco anos, a vacinación contra o sarampelo de 22 millóns de nenos ou o acceso a auga potable para 18 millóns de persoas non terían sido posibles sen o labor e dedicación dos traballadores humanitarios, que se esforzan cada día por mellorar as vidas dos máis vulnerables.
Para colaborar co traballo de UNICEF en emerxencias podes doar en: http://bit.ly/EmergenciasUNICEF
Adxuntas encontraredes dúas infografías sobre a Acción Humanitaria de UNICEF en 2014
Para acceder a vídeos e fotos sobre emerxencias:
Usuario: Refcom
Contrasinal: uce442087