Lenny Kravitz apoia os esforzos de UNICEF en Auga, Saneamento e Hixiene
Lenny Kravitz, compositor, produtor musical, actor e cantante gañador dun Grammy, está a prestar o seu apoio a unha campaña mundial que UNICEF e os seus aliados están a levar a cabo para dar acceso a auga potable e a un saneamento axeitado a millóns de nenos e as súas familias.
"Nacín en Nova York e sempre dei por feito ter acceso a auga potable", dixo Kravitz. "Ningún neno debería morrer de diarrea por beber auga sucia. Que miles de nenos menores de cinco anos sigan morrendo todos os días porque carecen de auga potable e saneamento básico é simplemente inaceptable".UNICEF anunciou hoxe que o mundo cumpriu coa meta do Obxectivo de Desenvolvemento do Milenio sobre auga potable, á que ten acceso agora o 89 por cento da poboación mundial. Non obstante, isto aínda deixa a máis de 780 millóns de persoas, principalmente en Asia e África subsahariana, sen acceso. Ademais, ao redor de 2.500 millóns de persoas-case a metade da poboación do mundo en desenvolvemento- carecen de acceso a un saneamento mellorado. O que se suma ás malas noticias polos nenos que se están a quedar atrás.Kravitz aparecerá en Anuncios de Servizo Público e levará a Twitter eFacebook a mensaxe de que todos os nenos poden - e deben - ter acceso a auga potable e a un saneamento axeitado. O cantante, quen recentemente publicou o álbumBlack andWhite America e que será protagonista de Os Xogos da Fame a finais deste mes, únese a UNICEF na celebración do Día Mundial da Auga (o 22 de marzo) enviando unha mensaxe global acerca da importancia de investir nos nenos e proporcionarlles auga potable e saneamento.
A falta de saneamento, auga e hixiene teñen graves repercusións na saúde infantil, poden causar diarrea e outras enfermidades doadamenteprevenibles. Os nenos, especialmente as nenas, a miúdo faltan á escola porque son responsables de recoller auga para as súas familias, o cal pode requirir moitas horas do seu tempo. Ademais, moitas escolas carecen de instalacións sanitarias só para as nenas que lles permiten privacidade, o que fai que abandonen a escola. Sen auga potable, saneamento e unha boa hixiene, un desenvolvemento sostible é difícil de lograr. Dende 1990, UNICEF, os gobernos e aliados, axudaron máis de 2.000 millóns de persoas a ter acceso a fontes de auga melloradas e a 1.800 millóns de persoas a ter acceso a instalacións melloradas de saneamento. Estes esforzos inclúen a perforación de pozos e a instalación de bombas de auga, axudando ás comunidades a construír latrinas e ensinando prácticas vitais de hixiene a nenos en idade escolar e nais, ademais de subministrar auga potable e saneamento ás comunidades en situacións de emerxencia. Imaxes de vídeo dispoñibles en:
https://unicefweb.unicef.es/com/lennykravitz
Usuario: Refcom
Contrasinal: uce442087