Katy Perry, nova Embaixadora de Boa Vontade de UNICEF
Nun acto especial celebrado hoxe na sede de UNICEF, a estrela mundial de música pop Katy Perry foi nomeada nova Embaixadora de Boa Vontade de UNICEF, coa misión principal de animar os mozos a participar no labor que realiza o organismo para mellorar as vidas dos nenos e adolescentes máis vulnerables do mundo.
Como Embaixadora de Boa Vontade de UNICEF, Katy traballará para facer que os mozos falen en voz alta sobre as cuestións que cren que son máis importantes para as súas vidas e mobilizalos de forma máis directa para que ofrezan solucións a estes desafíos. Centrará o seu labor de promoción especialmente nos nenos e os adolescentes máis vulnerables, incluídos aqueles que viven en condicións graves de pobreza, afectados pola violencia, o abuso e o abandono, e aqueles que viven en situacións de emerxencia e de conflito.
"Creo que os mozos teñen o poder de cambiar as súas propias vidas, coa nosa axuda," dixoKaty. "É unha honra para min unirme aUNICEF como Embaixadora de Boa Vontade, e comprométome a facer todo o que poida para axudar a estes nenos e adolescentes que proceden de ámbitos moi diferentes, pero que queren o mesmo: un futuro máis brillante".
Este ano, Katy visitou Madagascar, un dos países máis pobres do mundo, como parte dunha misión de UNICEF, e chamou a atención sobre a situación dos nenos.
En outubro, Katy uniuse aUNICEF na celebración do Día Internacional da Nena, prestando a súa exitosa canción "Roar" para a banda sonora dun novo anuncio destinado a inspirar as nenas e axudalas a converterse en campioas no futuro.
Recentemente,Katy pediu ao gran número de
seguidores que ten nas súas redes sociais que apoien os esforzos de
asistencia de UNICEF a favor dos nenos
en situacións de emerxencia, incluídos os afectados polo tifónHaiyan, que sacudiu Filipinas a
comezos de novembro.
A estrela internacional estivo acompañada por Lake e por Hannah
Godefa, Embaixadora Nacional de UNICEF en Etiopía, que actuou de moderadora nunha
sesión de preguntas e respostas coa que se deu a benvida oficial deKaty a UNICEF.
Como Embaixadora de Boa
Vontade de UNICEF, a cantante de 29
anos se une a unha lista impresionante que inclúe tamén aAmitabh Bachchan, David Beckham, Harry
Belafonte, Orlando Bloom, Jackie Chan,Mia Farrow, Danny Glover, Angelique
Kidjo, Liam Neeson,Leo Messi, Sir
Roger Moore, Vanessa Redgrave eSusan Sarandon.
Audrey Hepburn, gañadora dun premio Oscar, popularizou en todo o mundo a figura do
Embaixador de Boa Vontade de UNICEF,
seguindo os pasos do actor e comediante Danny
Kaye, que foi o pioneiro do concepto de Embaixador de Boa
Vontade, un cargo que exerceu dende 1954 ata a súa morte en
1987.