Inundacións en Malawi
As graves inundacións causadas polas chuvias en Malawi deixaron corenta e oito persoas mortas e preto de 70 mil desprazados, segundo UNICEF.
Os importantes danos aos cultivos, o gando e as vivendas,
ocasionaron miles de desprazamentos. No sur do distrito
de Nsanje,
moitos dos camiños quedaron intransitables deixando as comunidades
illadas e os seus habitantes, especialmente aos nenos, máis
vulnerables a afogarse. O presidente declarou o estado de desastre,
afirmando que se trata das peores inundacións dende
1964.
O Goberno fixo un chamamento á comunidade internacional para obter
apoio, concretamente na provisión de tendas de campaña, alimentos e
outros artigos como lonas, utensilios de cociña e mantas, así como
apoio na realización das operacións de busca e
rescate.
UNICEF,
co Goberno e outras axencias da ONU,
está a avaliar a situación para determinar as necesidades de
resposta. As deficientes infraestruturas e os camiños
intransitables dificultaron a avaliación, polo que se está a
solicitar información esencial.
Resposta de UNICEF
Elementos como tendas de campaña, cubos, cloro para a purificación
da auga e lousas de latrinas, están a ser distribuídos polos
equipos nos distritos. UNICEF tamén
enviou 1.500 kits de supervivencia e 1.560 mantas ás zonas
afectadas, dende o seu almacén central.
UNICEF ten
previsto
ampliar a resposta nos próximos días.