As escolas convértense en centros que salvan vidas no Corno de África

Escolas de Kenya seguiron abertas en vacacións para que 1,2 millóns de nenos tivesen acceso a nutrición. UNICEF intensifica o seu apoio ante o inicio do curso escolar.

Ante o inicio do novo curso, que terá lugar esta semana nos países afectados pola seca no Corno de África, UNICEF intensifica os seus esforzos para que os nenos poidan acudir á escola, onde se facilita o seu acceso a servizos básicos. "Nas comunidades afectadas, os lugares de aprendizaxe tamén aseguran acceso a auga potable, saneamento e programas de alimentación, ademais de ofrecer un espazo seguro para protexer os nenos da violencia e a explotación" explicou o Director Rexional de UNICEF para o Leste e Sur de África, Elhadj As Sy.

Xunto a este papel enmarcado na emerxencia nutricional, as escolas e centros infantís contribúen á prevención, formando os nenos en hábitos que evitan enfermidades. "Á parte de asegurar un ensino básico, as escolas e os centros infantís xogan un papel importante para difundir entre os nenos mensaxes sobre nutrición, hixiene, saneamento e coñecementos sobre saúde. Son mensaxes que poden salvar vidas, esenciais hoxe por hoxe no Corno de África", explicou o representante de UNICEF. Máis alá do seu papel para a supervivencia e a protección infantil nestes momentos, "nos campamentos de refuxiados, e especialmente para os desprazados, as escolas están a ser máis accesibles ás nenas e outros nenos vulnerables que nunca puideran ir á escola", segundo dixo Sy. Ante o inicio do novo curso, xa se prestou apoio clave aos sistemas educativos dos países afectados pola emerxencia para que máis nenos poidan ir a escolas e centros infantís nos que están nun ámbito de protección e se facilita o seu acceso a servizos básicos como a nutrición e a auga: · Durante as vacacións, escolas das zonas afectadas pola seca en Kenya permaneceron abertas, posibilitando que 1,2 millóns de nenos tivesen acceso a programas de nutrición. Nese período, UNICEFtamén apoiou 155 escolas en Somalia, dando servizo a 37.000 nenos desprazados internos.

·En Somalia, dende o inicio do ano, UNICEF estivo a traballar coas escolas dirixidas a nenos desprazados internos e ás comunidades que os reciben, alcanzando uns 120.000 nenos. Este apoio intensificarase nos próximos meses para suplir as necesidades de máis de 300.000 nenos, incluíndo aqueles que se encontran nalgunhas das 1.500 escolas que hai en zonas rurais do centro e sur de Somalia, onde se poñerá a atención nas necesidades dos nenos que permanecen nos seus lugares de orixe e tamén en asegurar que os nenos que poidan regresar tamén teñan acceso aos servizos que se prestan nas escolas. · Desde finais de 2010, uns 28.000 nenos das zonas afectadas pola seca en Etiopía puideron continuar a súa educación grazas á distribución, por parte de UNICEF, de materiais educativos e tendas de campaña utilizadas como escolas. · En Somalia, UNICEF e os seus aliados en educación poñen en marcha 210 espazos amigos da infancia destinados a máis de 15.000 nenos, con instalacións de auga e saneamento, apoio psicosocial e distribución de cartillas de alimentos. En colaboración cos aliados en protección infantil, uns 350 espazos amigos da infancia estarán en marcha o 15 de setembro, con capacidade para 30.000 nenos. · En Etiopía, UNICEF e os seus colaboradores subministraron espazos amigos da infancia e materiais educativos para uns 8.000 nenos, ademais de prestar apoio para construír catro escolas de primaria no campo de refuxiados de Dollo Ado e outros dous nas comunidades que os acollen. Uns 140 profesores recibiron formación, incluíndo 120 entre a poboación de desprazados, cun enfoque de educación para a paz e apoio psicosocial.

· Nos campos de refuxiados de Dadaab, ao nordés de Kenya, UNICEF distribúe carpas para ser utilizadas como escolas, e outros materiais que fagan fronte ao esperado aumento de nenos que quererán ir a estas escolas amigas da infancia. A crise actual no Corno de África provocou retos importantes para os servizos educativos dos países afectados. No centro e sur de Somalia, estímase que uns 1,8 millóns de nenos non van á escola debido a que tiveron que ir a outras zonas do país ou pola inseguridade, mentres que nas zonas afectadas pola seca en Kenya, onde moitos refuxiados solicitaron axuda, as comunidades están premidas ante a chegada de nenos que queren ir á escola: unha de cada catro escolas destas áreas está intentando absorber o aumento de nenos que queren ir á escola.

Para descargar videos e fotos:

https://unicefweb.unicef.es/com/cuernodeafrica

Usuario: Refcom

Contrasinal:  uce442087

Doazóns para a emerxencia nutricional no Corno de África:

Teléfono: 902 31 41 31

Web: www.unicef.es

SMS: Envía a palabra SOMALIA al 28028 **

Contas correntes:

BBVA(0182-2370-40-0208517159)

BANESTO(0030-8301-77-0000304271)

SANTANDER(0049-1804-16-2610410756)

ING(1465-0100-95-6000000000)

BANKIA(2038-1043-19-6000877505)

LA CAIXA(2100-5731-70-0200005001)

POPULAR(0075-0001-87-0606914075)

BANKINTER(0128-9404-02-0100010592)

BARCLAYS(0065-0100-15-0001581749)

** O custo para usuarios deMovistar, Vodafone e Orange é de 1,20 euros e irá integramente a UNICEF. Resto de operadoras, consulte co seu operador, custo máximo 1,42 euros. Número curto oficial deUNICEF España. Sen fins comerciais. Operado por Alvento n.atn.clte: 902887786 alvento.es. Información legal e protección de datos: unicef.es