Equipos de UNICEF e subministracións chegan ás áreas afectadas polos novos casos de ébola en Liberia
En resposta aos primeiros casos de ébola confirmados en Liberia tras máis de tres meses sen rexistrarse ningún, UNICEF comezou a distribuír nas comunidades afectadas subministracións de emerxencia como tendas de campaña para illar aos que estean en corentena, kits de hixiene, e cloro e cubos para os postos de lavado de mans.
No condado de Margibi,
onde o corpo dun neno deu positivo polo virus o 29 de xuño, os
equipos de mobilización social de UNICEF xa
están no terreo levando a cabo campañas de sensibilización porta a
porta sobre a prevención do ébola,
para minimizar o risco de máis contaxios e protexer e atender aos
afectados.
"Sempre houbo risco de que o ébola volvese
a Liberia. Agora debemos facer todo o posible para volver a cero
casos", dixo Sheldon
Yett,
representante de UNICEF en
Liberia. "A rapidez en responder a estes casos demostra que ninguén
baixou a garda".
Nos próximos días será descontaminar a escola á que ía a vítima,
instalaranse novos postos de hixiene e distribuirase xabón e cloro.
Os postos de lavado de mans proporcionados
por UNICEF instaláronse
na entrada de todos os colexios de Liberia cando reabriron as súas
portas en febreiro, tras seis meses pechados.UNICEF traballou
coas autoridades locais para manter estes postos despois da
declaración do país como libre de ébola o
pasado 9 de maio.
UNICEF tamén
está a traballar co goberno para garantir medidas como que se tome
a temperatura aos estudantes cando cheguen.
"Liberia non tería sido declarada libre de ébola en
maio sen o coñecemento e iniciativa das comunidades",
dixo Yett.
"Esas comunidades están outra vez á fronte de novos esforzos para
garantir que non se dan novos casos da enfermidade
aquí".
Nos veciños Guinea e Serra Leoa séguese informando de novos
contaxios, aínda que en menor número que no auxe do brote. Na
última semana de xuño rexistráronse 12 novos casos
de ébola en
Guinea e 8 en Serra Leoa.
Para acceder a vídeos e fotos:
Usuario: Refcom
Contrasinal: uce442087