Declaración de UNICEF sobre os resultados do Cume da UE con Turquía
Tras o cume da UE con Turquía, UNICEF reitera que o principio humanitario fundamental de "non facer dano" debe guiar ás autoridades de Europa, os Balcáns e Turquía na aplicación das decisións adoptadas, relativas á protección dos nenos refuxiados e migrantes.
Aínda que os detalles de como se vai a levar a cabo este novo plan seguen sen estar claros, UNICEF lembra aos Estados as súas seguintes responsabilidades e obrigacións:
- Ante todo, garantir o dereito dos nenos para solicitar protección internacional.
- Os nenos non deberían ser retornados aos seus países de orixe se corren riscos como a detención, o recrutamento forzoso, o tráfico ou a explotación.
- Desenvolver canles seguras e legais para os nenos que escapan do conflito e a guerra, a través de medidas apropiadas como a reunificación familiar, para evitar que os nenos, especialmente os non acompañados, recorran a contrabandistas ou traficantes en busca de seguridade.
Nestes momentos a grave situación
que se vive nas fronteiras de Grecia e a antiga República Iugoslava
de Macedonia é inaceptable para os nenos, que agora conforman a
maioría de quen está na fronteira de Idomeni, no norte de
Grecia.
Os nenos xa soportaron demasiado:
escaparon da guerra e do conflito, e fixérono a través dun camiño
perigoso. Ter que durmir á intemperie, sen acceso aos servizos
básicos e sen saber se poderán avanzar ou retroceder, é outro golpe
máis para eles.
Os nenos desatendidos corren un
maior risco de ser vítimas de traficantes ou contrabandistas, e os
seus dereitos deben ser unha prioridade.
En UNICEF estamos preparados para
apoiar ao goberno de Grecia a atopar solucións inmediatas para os
nenos refuxiados e migrantes.