Declaración de Anthony Lake, director executivo de UNICEF, sobre a extrema violencia contra os nenos nos conflitos
"Millóns de nenos en todo o mundo están atrapados hoxe en día nas guerras dos adultos -asasinados, feridos, violados ou secuestrados deliberadamente. As súas escolas e fogares están a ser destruídos; néganselles alimentos, auga e atención médica. Decenas de miles vense obrigados a unirse ás forzas e os grupos armados.
Hai dez anos que o Consello de Seguridade de Nacións Unidas aprobou
a resolución 1612 para protexer mellor os nenos afectados polos
conflitos. Hoxe en día fanse grandes esforzos para protexer os
nenos nos países en guerra. O ano pasado, máis de 10.000 nenos
foron liberados das forzas e grupos armados en todo o mundo, e
recibiron apoio para regresar ás súas comunidades.
Pero a violencia que afecta aos nenos nos conflitos deu un xiro
máis escuro.
Informes procedentes do Iraq,Nixeria e Sirya revélannos que os adultos están a utilizar os nenos
para cometer actos dunha violencia extrema -nenos que aos que
obrigaron a observar execucións e a participar nelas, aos que se
lles fixo crer que a violencia é normal e cuxas mentes novas e
impresionables foron expostas a unha brutalidade sen sentido, con
total desprezo pola inviolabilidade da nenez.
Todo neno ou nena asasinado ou obrigado a matar nun conflito, ou
que fose testemuña da brutalidade da guerra, é unha vítima. Unha
persoa inocente que soportou o custo dun conflito que ela mesma non
provocou.
Debería indignarnos que tal sufrimento continúe e que non se faga
máis para poñer fin a estes horrores e para esixir
responsabilidades aos seus autores".
Para descargar contido multimedia:ftp://video.unicef.es
Usuario: Refcom
Contrasinal: uce442087