Declaración conxunta sobre a ratificación de Somalia da Convención sobre os Dereitos do Neno
Somalia convértese no país membro número 196 dos que aprobaron Convención"A ratificación da Convención sobre os Dereitos do Neno por parte de Somalia é un paso significativo e benvido cara á realización dos dereitos dos 6,5 millóns de nenos no país".
"Os nenos de Somalia afrontan
enormes retos. Somalia ten hoxe en día un dos índices máis altos de
mortalidade infantil de menores de cinco anos, taxas de
desnutrición alarmantes e altos niveis de violencia que afectan os
nenos.
"Ao converterse na nación número
196 que ratifica a Convención, Somalia comprometeuse a defender a
dignidade e o valor de todos os nenos e a traducir as obrigacións
da CDN en accións concretas, especialmente para os nenos que teñen
máis necesidade e que afrontan maiores riscos.
"As disposicións da Convención
ofrecen un marco legal ao Goberno de Somalia para defender os
dereitos dos nenos, ao mesmo tempo que continúa o seu traballo para
pór en marcha unha lexislación nacional integral destinada a
protexer aos nenos.
"Mentres o mundo uniuse ao redor
dos Obxectivos de Desenvolvemento Sustentable, queremos apoiar os
esforzos do Goberno e do pobo de Somalia para facer dos dereitos
dos nenos a pedra angular do progreso social do país. Facéndoo,
aseguramos mellores vidas e un futuro máis prometedor para cada
neno somalí e para Somalia mesma.
"Isto achéganos máis que nunca á
ratificación universal deste tratado de dereitos humanos
fundamental".
Anthony Lake, Director Executivo de
UNICEF
Leila Zerrougui, Representante Especial do Secretario Xeral para a
cuestión dos nenos e os conflitos armados
Marta Santos Pais, Representante Especial do Secretario Xeral sobre
a violencia contra os nenos
Benyam Dawit Mezmur, Presidente do Comité dos Dereitos do Neno