Case 1 millón de nenos necesita axuda humanitaria urxente despois do terremoto de Nepal
Polo menos 940.000 nenos que viven en áreas gravemente afectadas polo terremoto de onte en Nepal necesitan axuda humanitaria de xeito urxente, segundo UNICEF. O terremoto do 25 de abril, de magnitude 7,9, e as preto de 60 réplicas, causaron unha enorme devastación en gran parte do país, incluíndo máis de 2.000 mortes e a destrución xeneralizada de edificios.
" Máis de 30 horas despois do terremoto, estoume a decatar pouco a
pouco do enorme impacto que terá na xente e os nenos de Nepal.
Tantas vidas perdidas, tantas casas destruídas e un dano
irreparable a lugares patrimonio da humanidade. Esta mañá fun
a Bakhtapur,
as estradas están rotas e todo o mundo estaba polas rúas mostrando
a súa solidariedade e axudando aos demais. Houbo máis de 60
réplicas, algunhas delas de 6,7 na escala
de Richter.
Non hai saqueos, algunhas persoas mesmo están a cantar. É duro, moi
duro, seguir adiante, pero se que o pobo de Nepal o fará",
declarou Karin
Hulshof,
directora rexional de UNICEF para
Asia Meridional.
Houbo informes sobre a limitación de subministracións de auga e
alimentos, cortes de electricidade e redes de comunicación caídas.
Centos de miles de persoas pasaron a noite en espazos abertos, por
temor a novos tremores. Agora infórmase tamén de fortes chuvias que
poden empeorar aínda máis as condicións. Esta crise deixa aos nenos
particularmente vulnerables, o acceso limitado a auga potable e
saneamento poñerá os nenos en risco de contraer enfermidades que se
transmiten pola auga, mentres que algúns nenos puideron quedar
separados das súas familias.
UNICEF está
a mobilizar persoal e subministracións de emerxencia para afrontar
as necesidades humanitarias urxentes dos nenos afectados polo
terremoto, centradas en auga e saneamento, nutrición, educación e
protección infantil. UNICEF está
tamén apoiando a repartición de auga con camións cisterna e a
provisión de sales de rehidratación oral e suplementos de cinc para
as persoas agrupadas en asentamentos informais, e proporcionando
tendas de campaña para instalacións médicas, usando
subministracións posicionadas con anterioridade no
país.
UNICEF está
tamén a preparar dous
voos con 120 toneladas de artigos humanitarios que inclúen
subministracións médicas e para hospitais, tendas de campaña e
mantas, para o seu traslado urxente a Katmandu.
Para acceder a vídeos e fotos: http://uni.cf/1HH6SbO
Para máis información e contribuir ao traballo de UNICEF nesta emerxencia:
Facendo un donativo na nosa web
Enviando un SMS coa palabra UNICEF ao 38080
1 SMS = 4 euros (non esquezas confirmar)*
*IMPORTE DO SERVICIO SMS SOLIDARIO 4€ ÍNTEGRO PARA UNICEF. Servizo de SMS para a recadación en campaña solidaria. O usuario debe responder SI ao sms de confirmación para realizar a doazón. Válido para Movistar, Vodafone, Orange eAmena. Operador titular do número: UNICEF España. c/ Mauricio Legendre, 36. 28046 Madrid. N.Atn. clte:902228028, [email protected]. Información legal e protección de datos: www.unicef.eswww.unicef.es