Brote de Cólera en Iemen
UNICEF apoia os centros de saúde en Iemen para responder o brote de Cólera declarado no paísAs autoridades sanitarias de Iemen confirmaron onte xoves 6 de outubro, un brote de Cólera. Dada a vulnerabilidade en que se atopa o sistema sanitario do país, este brote representa un risco elevado para a saúde da poboación, especialmente dos nenos.
"Este brote súmase á miseria de
millóns de nenos en Iemen. Estamos a apoiar aos centros de saúde
para previr e tratar os casos de cólera, e continuaremos
traballando cos nosos aliados para aumentar a resposta e deter esta
perigosa enfermidade", afirmaba o representante de UNICEF en Iemen,
Julien Harneis.
As autoridades sanitarias
anunciaron a confirmación de casos de cólera na capital, Saná,
mentres que se sospeita que podería haber outros casos na cidade de
Taiz, ao suroeste do país. UNICEF e os seus aliados están a
traballar para determinar a magnitude concreta do brote. Se non se
tratan, os casos severos de cólera poden matar ao 15% da poboación
afectada en só unas poucas horas.
"Os nenos enfrontan un risco
particularmente alto se o actual brote de cólera non se contén de
forma inmediata, máis aínda desde o enfraquecemento do sistema de
saúde en Iemen debido ao conflito actual", engadía Julien Harneis.
"Facemos un chamamento a todos os nosos doantes para apoiar as
infraestruturas sanitarias en Iemen, para que os civís que estean
en necesidade poidan recibir asistencia médica."
UNICEF en alianza coa
Organización Mundial da Saúde, está a apoiar a resposta ao brote
distribuíndo e garantindo as subministracións de auga potable e de
kits para o seu potabilización.
UNICEF ha pre situados 57 kits
para tratar enfermidades diarreicas que inclúen medicamentos e
sales de rehidratación oral suficientes como para tratar 100 casos
severos de cólera ou 400 casos moderados. Ademais, UNICEF conta con
20.000 kits de hixiene con xabón, toallas, champú e deterxente en
po, listos para ser distribuídos.
UNICEF está a proporcionar
información á poboación sobre como previr o cólera mediante o uso
de auga potable de fontes seguras, o tratamento das augas
almacenadas en casa, o mantemento dunha boa hixiene e unha contorna
limpa e buscando asistencia sanitaria no momento no que calquera
membro da familia teña diarrea ou desenvolver calquera outro
síntoma.
Acerca de UNICEF
UNICEF promove os dereitos e o benestar de todos os nenos e nenas en todo o que facemos. Xunto aos nosos aliados, traballamos en 190 países e territorios para transformar este compromiso en accións prácticas, centrando especialmente os nosos esforzos en chegar aos nenos máis vulnerables e excluídos para o beneficio de todos os nenos, en todas partes.