Ana Duato presenta a reportaxe 'Haití en construción'
A actriz e Embaixadora de UNICEF España conta, baixo a dirección de Antonio Cano, a situación dos haitianos dende o terremoto de 2010. Producido por Ganga Producións para UNICEF España e a Axencia Española de Cooperación Internacional para o Desenvolvemento (AECID), a reportaxe será emitida na canle internacional de TVE, en La 2 e www.rtve.es ás 23.00 horas do próximo domingo, 20 de novembro, Día Universal do Neno.Ana Duato presentou esta tarde en Casa América o documental Haití, en construción, no que a actriz e Embaixadora de UNICEF España conta, despois de dúas viaxes nos que conviviu coa realidade dos haitianos, os efectos do terremoto e a evolución do traballo de recuperación e reconstrución que se está a levar a cabo a través da cooperación de organismos públicos de Haití, axencias de Nacións Unidas como UNICEF e a achega de países como España que ademais dunha resposta inmediata de acción humanitaria, se converteu no terceiro doador bilateral para a reconstrución de Haití, cunha cantidade comprometida de 346 millóns de euros a investir entre 2010-2013.
A reportaxe, dirixida por Antonio Cano, é o resultado de dúas viaxes a
Haití, en abril de 2010 o primeiro deles, coincidindo coa
reapertura das escolas; e en abril de 2011 o segundo, cando pasara
un prazo de tempo no que se podían observar avances na
reconstrución da vida dos haitianos.Ana Duato referiuse ao documental
sinalando que "intentamos contar unha historia dende dentro, dende
o corazón dos haitianos e dos profesionais que traballan con eles
para reconstruír o seu país". A Embaixadora de UNICEF España quixo mostrar o seu agradecemento a
"todas as persoas que traballan día a día en Haití para a
reconstrución e o desenvolvemento do país e aos haitianos, que me
abriron as portas das súas casas e das súas tendas nos campos de
desprazados. "
A actriz conviviu en Haití con familias e nenos en campos de
desprazados, en escolas, hospitais, centros residenciais e na rúa.
Do seu contacto coas persoas e coa realidade do país nace esta
reportaxe, que pretende que non se nos esqueza Haití, que
descubramos a capacidade e fortaleza dos haitianos para a súa
recuperación e que coñezamos para que serve a axuda que chega a
Haití.
Na preestrea tamén participaron o Embaixador en Misión Especial
para a Reconstrución de Haití, Arturo
Reig, a Embaixadora de Haití en España, Yolette Azor-Charles e a Presidenta deUNICEF España, Consuelo Crespo. Todos
coincidiron en sinalar a importancia de manter o apoio aos
haitianos para a reconstrución do seu país.
Dende o terremoto
O 12 de xaneiro de
2010 ás 16.53 da tarde un terremoto azoutou Haití deixando un
rastro de tres millóns de afectados, 1.5 millóns de persoas sen
fogar e 300.000 feridos. O Fondo de Nacións Unidas para a Infancia,UNICEF, que xa traballaba en programas
de desenvolvemento en Haití antes do terremoto, centrou os seus
esforzos na resposta á emerxencia para paliar as súas consecuencias
sobre os máis de 4 millóns de nenos haitianos e as súas
familias.
A sociedade española e o goberno, a través da AECID, envorcáronse coa axuda aos haitianos. Tras
a primeira resposta para atender as necesidades máis urxentes, o
compromiso do Goberno español estendeuse a un período de catro anos
por unha cantidade que supera os trescentos millóns de euros e unha
cooperación prioritariamente orientada a auga potable e saneamento
e proxectos de educación. Xunto á cooperación gobernamental que
representa a AECID cabe destacar tamén
o compromiso da sociedade civil: unhas 30 ONGD españolas traballan na reconstrución de
Haití, 11 delas con delegación sobre o terreo.
Grazas ao apoio de España e doutros países, en Haití conseguíronse
logros invisibles como as miles de mortes que se evitaron a través
de programas de saúde e nutrición, de auga e saneamento e de
prevención e tratamento da cólera. Outros logros invisibles teñen
que ver coa protección infantil, como os máis de 2.000 nenos que
estaban sós tras o terremoto e que agora encontraron as súas
familias. E conseguíronse avances visibles como a construción de
vivendas e escolas semipermanentes con resistencia a
sismos.
Para descargar fotos e videos da dobre visita de Ana
Duato a Haití:
https://unicefweb.unicef.es/com/anaduato
Usuario: Refcom
Contrasinal: uce442087