Visita do Papa a República Centroafricana, onde un millón de nenos necesitan axuda urxente

Case 3 anos despois de que estalase o conflito República Centroafricana, 1,2 millóns de nenos necesitan axuda humanitaria urxente.

 

Este país, que estes días se prepara para recibir ao Papa, sofre a diario as devastadoras consecuencias da violencia. Desde UNICEF queremos aproveitar a ocasión para lembrar ás partes en conflito que garantan ás organizacións humanitarias a posibilidade de acceder ás zonas máis afectadas pola crise.
 
"As necesidades humanitarias son abafadoras. Para poder atendelas necesitamos que nos dean acceso e un apoio moito maior por parte dacomunidade internacional", di Mohamed Fall, representante de UNICEF en República Centroafricana. 
 
Desde UNICEF calculamos que máis de 2 millóns de nenos víronse afectados desde que se iniciou a violencia en decembro de 2012. Unha violencia que se intensificou de maneira especial un ano despois, provocando odesprazamento de centos de miles de persoas cara aBangui, a capital do país. 

REPÚBLICA CENTROAFRICANA: MÁiS DE 400.000 DESPrAZADOS INTERNOS

Actualmente, 400.000 persoas atópanse desprazadas dentro do país e máis de500.000 viven refuxiadas nos países veciños. En setembro deste ano, a intensificación dos enfrontamentos xerou39.000 novos desprazados en Bangui. 
 
A inseguridade e a escaseza de fondos seguen poñendo en risco as actividades humanitarias, que a miúdo sofren ataques que impiden a distribución da axuda nas zonas do interior do país. 
 
Mesmo nas áreas que non están afectadas directamente o conflito, as comunidades seguen necesitando apoio. Ao redor dun terzo da poboación non tenacceso a auga potable e o 41% dos nenos menores de 5 anos sofre desnutrición crónica. 
 
A pesar da magnitude da emerxencia, en UNICEF só recibimos o 50% dos 70 millóns de dólares que necesitamos para proporcionar axuda humanitaria para este ano 2015. 

REPÚBLICA CENTROAFRICANA: UNhA HISTORIA INSPIRADORA

CandoPatricia Dougueoua decatouse de que tan só a 9 quilómetros do centro de Bangui os nenos non ían ao colexio (entre outras causas, pola guerra) pensou que tiña que facer algo. O pobo de Gbabili nunca tivo escola e, á máis próxima, que estaba a 4 quilómetros, só podían ir os alumnos máis avantaxados. Por iso, a maioría dos nenos traballaban nas granxas familiares, ou pescando ou no mercado. 
 
O ano pasado, Patricia abriu unha escola nunha gran tenda de campaña. Os materiais achegábanos os pais, e os 5 profesores eran voluntarios. Dos200 alumnos da escola, só 50 foran a clase antes. 
 
"Quedei orfa cando era moi pequena e só logrei ter éxito na vida grazas á miña educación. Quero que estes nenos teñan as mesmas oportunidades que eu", di Patricia. 
 
Ti tamén podes ser comoPatricia e axudar a moitos nenos deRepública Centroafricana. Colabora!