UNICEF e a Fundación Aquae únense para mellorar o acceso á auga na Amazonía peruana

Unhas 5.000 familias da Amazonía peruana beneficiaranse dun proxecto para a promoción de auga segura, saneamento e hixiene.

 

O proxecto é froito dun convenio asinado entre a Fundación Aquae e UNICEF Comité Español. O obxectivo é mellorar as condicións de acceso a auga segura, e promover prácticas de hixiene nos fogares. As accións desenvolveranse en 15 comunidades rurais de Ucayali, Amazonas eLoreto, rexións amazónicas de Perú. O acceso a auga e saneamento é básico para previr a mortalidade e a desnutrición infantil. En Perú a prevalencia da desnutrición crónica é alta, sobre todo nas áreas rurais. Alí a desnutrición alcanza o 31,9% dos nenos menores de 5 anos. Nalgunhas zonas onde vive poboación indíxena as taxas chegan ao 60%.

Só o 65% da poboación rural ten acceso a auga potable, e o 37% a instalacións de saneamento. Por iso as comunidades amazónicas están en risco permanente de brotes de enfermidades infecciosas (infeccións respiratorias, cutáneas e oculares, así como enfermidades diarreicas) e outras enfermidades transmisibles como a malaria, o dengue e a leptospirse. Por iso realizaranse actuacións de sensibilizaciónpara mellorar as prácticas de hixiene eprevir a transmisión deenfermidades, que afectan especialmente aos nenos. O convenio asinado entre a Fundación Aquae e UNICEF Comité Español estenderase durante 3 anos, durante os cales se promoverá a súa implantación en centros de saúde, escolas e comedores e cociñas comunais.