Sahel: 250.000 nenos tratados contra a desnutrición

Durante os catro primeiros meses deste ano case 250.000 nenos menores de cinco anos recibiron tratamento contra a desnutrición aguda grave, como parte do traballo de UNICEF para facer fronte á emerxencia nutricional na zona. Sen embargo,aún séguense necesitando fondos para chegar a todos os nenos afectados pola grave crise nutricional que afecta á rexión.

Calcúlase que polo menos 1,1 millóns de nenos necesitarán tratamento, polo que o número de centros especializados, capaces de facer fronte á crise, aumentou a 5.200. Nos próximos tres mesesprevese que as necesidades dos nenos aumenten, porque a rexión se encontra agora no período de maior seca e aridez do ano. Ademais, o conflito en Malí, que obrigou 170.000 persoas a fuxir dos seus fogares cara a tres países veciños, está a crear novas demandas e problemas para garantir o acceso seguro da axuda. Outras 167.000 persoas víronse obrigadas a desprazarse a outras partes do país.

 

Necesidade de fondos para seguir salvando vidas

Para o que queda de ano, UNICEF necesita 146 millóns de dólares (116,45 millóns de euros) para seguir traballando nunha resposta completa e integrada ás necesidades da crise nutricional, da emerxencia de Malí e a ameaza da cólera e outras epidemias. Ata o momento conseguíronse 93 millóns de dólares (74,04 millóns de euros) para o traballo de emerxencia de UNICEF na rexión.

"Non hai dúbida de que os fondos conseguidos a principios deste ano nos axudou moito para estar preparados e salvar vidas", dixo o Director de UNICEF para África Occidental e Central,Manuel Fontaine.  
 
"En todo oSahel, estamos a facer fronte a múltiples necesidades para salvar vidas e axudar aos nenos, e a crise de Malí puxo máis nenos en perigo. Ata o momento, recibimos fondos principalmente para a resposta inmediata en nutrición. Pero a falta de fondos para o resto do traballo impídenos facer todo o que podemos polos nenos e os seus pais neste momento de gran necesidade", dixo.  
 

UNICEF ten como obxectivo dar unha resposta integral 

Os nenos que viven no norte de Malí están en situación de risco, tendo que facer fronte a abusos, falta de acceso á educación ou ao recrutamento en grupos armados. É necesario fomentar os programas educativos nos nove países afectados pola crise nutricional, porque os nenos das comunidades máis pobres están a abandonar as escolas. Ademais débense levar a cabo campañas de vacinación para previr epidemias. No que vai de ano, máis de seis millóns de nenos foron vacinados contra o sarampelo e máis de nove millóns recibiron mosquiteiras tratadas con insecticida para reducir o risco de malaria. É fundamental poñer en marcha as medidas necesarias antes das chuvias, paraevitar brotes de cólera xa que a enfermidade é endémica en moitas zonas afectadas pola crise. Segundo Nacións Unidas, preto de 18 millóns de persoas están afectadas pola crise alimentaria nos nove países deSahel. UNICEF advertiu, a finais do ano pasad,o que entre 1 e 1,5 millóns de nenos necesitarían tratamento contra a desnutrición aguda grave e fixo un primeiro chamamento á acción.