O conflito de Sirya deixa cicatrices invisibles nos nenos
A exposición prolongada á violencia e o estrés, o desprazamento múltiple, a perda de amigos e familiares, e unha grave deterioración das condicións de vida están a deixar aos nenos de Sirya cicatrices duradeiras.
Os pais din que os seus fillos están a sufrir
pesadelos frecuentes e mostran comportamentos temerarios e
agresivos", dixo María
Calivis, directora rexional de UNICEF para Oriente Medio e o Norte de África. É
común que os nenos mollen a cama polas noites e se volvesen máis
retraídos e apegados. Os seus debuxos
son a miúdo violentos e agresivos, con imaxes de derramamento de
sangue, explosións e destrución,".
UNICEF calcula que máis de 4 millóns de nenos sirios se ven afectados polo conflito en curso.
"Os nenos que foron sometidos a un estrés intenso poden perder a capacidade de conectar emocionalmente cos demais e consigo mesmos", di Jane MacPhail, experta deUNICEF en protección da infancia que traballa con nenos no campamento de refuxiados de Za'atari, en Xordania. "Os seus sentimentos básicos poden pararse e os nenos séntense incapaces de pensar no futuro ou recordar eventos recentes".
Xa sexa enSirya ou nos países veciños, en asentamentos para persoas desprazadas, en campos de refuxiados ou nas comunidades de acollida, UNICEF estivo a traballar cos seus aliados e as familias para axudar aos nenos a recuperar un sentido de seguridade, darlles a oportunidade de expresarse eaxudarlles a desenvolver formas construtivas de soportar o conflito.
Isto inclúeespazos amigos da infancia, onde os nenos poden xogar e participar en actividades recreativas e deportivas. Tamén inclúe a formación de mestres e conselleiros escolares para proporcionar apoio e derivar os nenos necesitados de atención máis especializada.
Dende o comezo do ano, preto de 470.000 nenos sirios recibiron apoio emocional en máis de 220 espazos amigos da infancia, así como en ámbitos alternativos de aprendizaxe como os clubs escolares. As cifras inclúen 250.000 nenos en Sirya, 128.000 no Líbano, 80.000 en Xordania, 5.500 en Iraq e 5.000 en Turquía.
Dentro de Sirya, UNICEF e os
seus aliados mantiveron os centros abertos e funcionando mesmo en
zonas onde o conflito foi máis intenso, como Homs, Daraa eAlepo, proporcionando un apoio vital
aos nenos que experimentan a violencia máis intensa do
conflito.
"Axudar aos nenos amanexar os temores e a inseguridade non é un luxo", dixo Calivis. "Os pais que ven os seus fillos volver conectar coa infancia convertéronse nos nosos mellores defensores deste servizo. "
Da solicitude de fondos que UNICEF fixo para Sirya e a rexión de 470 millóns de dólares, 55 millóns de dólares son para financiar as actividades de protección da infancia.
Calquera persoa pode colaborar enviando unha mensaxe de texto coa palabra UNICEF ao 28028, ou realizando un donativo a través da web: www.unicef.es/siria