Nixeria: máis de 1,4 millóns de nenos foxen da violencia

Os ataques de Boko Haram intensifícanse en Nixeria, o que obrigou a 500.000 nenos a fuxir das súas casas nos últimos 5 meses. En total, 1,4 millóns de nenos atópanse nesta situación no nordés de Nixeria e os países veciños.

"Cada un destes nenos fuxindo para salvar a súa vida é unha infancia truncada", dixo Manuel Fontaine, director rexional de UNICEF para África Occidental e Central.

"É verdadeiramente alarmante ver que os nenos e as mulleres seguen sendo asasinados, secuestrados e utilizados para transportar bombas."

Desde UNICEF, xunto a gobernos e outras organizacións, estamos a estender as nosas operacións paraaxudar aos miles de nenos e familias afectados pola violencia, cuxas vidas corren serio perigo. Mostrámosvos un resumo do noso labor nesta crise no que vai de 2015:

Máis de 315.000 nenos foron vacinados contra o sarampelo.
Máis de 200.000 persoas recibiron acceso aauga potable.
Case 65.000 nenos desprazados e refuxiados tiveron acceso a educación e poden continuar a súa aprendizaxe grazas á entrega de material escolar
Case 72.000 nenos desprazados recibironasesoramento e apoio psicosocial.
Case 65.000 nenos menores de 5 anos recibiron tratamento para a desnutrición aguda grave.

Con todo, poderiamos facer moito máis se recibísemos máis fondos. Até o momento, só cubríronse o32% dos 44,4 millóns de euros necesarios para dar resposta humanitaria na rexión. Debido á falta de fondos, máis de124.000 nenos non recibiron a vacina contra o sarampelo, máis de 83.000 seguen sen ter acceso a auga potable e máis de208.000 non van ao colexio.

"Con cada vez máis refuxiados e sen os recursos suficientes, a nosa capacidade paraproporcionar asistencia no terreo está a verse seriamente comprometida", dixo Fontaine. "Se non se recibe máis apoio, centos de miles de nenos quedarán sen acceso a servizos sanitarios básicos, auga potable eeducación".