"É intolerable que un neno morra por unha diarrea"

José Manuel Calderón, o xogador de baloncesto e Amigo de UNICEF Comité Extremadura, acaba de regresar dunha viaxe a Zambia na que coñeceu programas de educación, auga e saneamento de UNICEF.

Calderón, medalla de prata nos Xogos Olímpicos de Londres 2012 xunto á Selección Española de Baloncesto e xogador da NBA, dixo que regresa a España "consciente doimportante que é a axuda ao desenvolvemento na transformación das sociedades"."En Zambia vin como o traballo de UNICEF consegue salvar vidas e dar oportunidades aos nenos", destacou o xogador. "Todos os nenos teñen dereito á educación, á alimentación, a ter acceso a auga potable ou a estar protexidos, e nós podemos facer moito para cambiar as súas vidas".

Calderón xogou ao baloncesto cos nenos

O centroFuente de Esperanzafoi a primeira parada na visita do xogador da NBA a Zambia, o que lle permitiu coñecer de primeira man o traballo que UNICEF e os seus aliados realizan no país a favor dos nenos máis vulnerables.Cada día máis de 400 nenos acceden a este centro, onde se lles facilita acceso a servizos básicos deeducación, saúde, alimentación e hixiene e dispoñen de biblioteca, talleres de arte, clases de informática e instalacións para practicar deportes como o fútbol, baloncesto ou voleibol. Tras percorrer as instalacións e coñecer o funcionamento do centro,Calderón xogou ao baloncesto cos nenos e deulles algunhas recomendacións. "Día a día veñen ao centro para aprender e intentar mellorar as súas condicións de vida e ter opcións de futuro. É impresionante a enerxía que teñen a pesar das enormes dificultades ás que se enfrontan", sinalou. Nas zonas rurais de Zambia, máis do 80% da poboación vive por debaixo do albor da pobreza. Este alto nivel de vulnerabilidade vese acrecentado pola incidencia do VIH/SIDA, a pobreza e o desemprego. Calderón visitou tamén os programas de asistencia social que o Goberno de Zambia leva a cabo coa colaboración de UNICEF. "Para reducir a extrema pobreza e romper a pobreza interxeracional, é imprescindible que estes programas se dirixan aos máis vulnerables entre os vulnerables", sinalou Sheila Nkunika, do Departamento de Políticas Sociais deUNICEF en Zambia. "De aí que estes programas se centren nos máis excluídos, como son as persoas maiores, os nenos orfos, os discapacitados e as viúvas,".

a historia de vida de Po

Po ten 9 anos e vive nunha aldea a uns 30 quilómetros de Livingstone, ao sur de Zambia. O seu pai ten problemas de saúde e dende hai tempo está ingresado nun hospital da cidade. A súa nai volveu casar e abandonounos. Vive xunto á súa irmá e o seu irmán coa súa avoa, que ten máis de 70 anos. Ao non dispoñer de ningún tipo de ingreso, en 2003 esta familia foi incluída no programa de axudas sociais do Goberno zambiano, que co apoio de UNICEF proporciona unha pequena cantidade de diñeiro para que poidan comprar produtos básicos para comer, arranxar a súa casa e enviar os nenos ao colexio. Ademais o xogador visitou un programa cuxo obxectivo é aformación de voluntarios nalgunhas comunidades remotas de Mapanza para que informen a toda a poboación sobre prácticas de saneamento axeitado. A través destas accións formativas informouse a poboación de máis de 250 pobos da importancia de dispoñer das súas propias latrinas, construídas por eles mesmos xunto ás súas vivendas. A finais de 2011 Mapanza recibiu un recoñecemento que certifica que o 100% dos fogares dispón de saneamento axeitado. As precarias condicións hixiénicas, a falta de auga potable, a masificación e os altos niveis de desnutrición son a combinación perfecta para a aparición de enfermidades infecciosas como a cólera e a pneumonía, que aumentan a mortalidade. "É intolerable que un neno morra por unha diarrea, aínda que é a tráxica realidade á que se enfrontan millóns de nenos" "en todo o mundo", lamentou Calderón, quen puido ademais conversar con diferentes responsables dos programas de UNICEFen Zambia acerca dos retos aínda pendentes no país.  

Campaña con Pocoyó

A viaxe de Calderón a Zambia coincide co lanzamento dunha  campañaprotagonizada polo xogador e Pocoyó, que inclúe unha serie de pezas promocionais que animan á participación dos centros escolares españois na campaña Gotas para Níxer de UNICEF España, para lograr un grande obxectivo común: levar a un millón de nenos e nenas nixerianos á escola.