A Comisión Europea axuda a UNICEF a loitar contra a cólera en Níxer

A Oficina de Axuda Humanitaria e Protección Civil da Comisión Europea (ECHO) poñerá 600.000 euros a disposición de UNICEF para a resposta de emerxencia ao brote de cólera en Níxer. 

A contribución de ECHO permitirá a UNICEF e os seus aliados proporcionar medicamentos e pastillas parapotabilizar a auga ás comunidades afectadas,educar as familias sobre boas prácticas dehixiene, garantir arehabilitación de puntos de auga edesinfectar as casas contaminadas e lugares públicos.UNICEF traballa en estreita colaboración coa Organización Mundial da Saúde(OMS) para apoiar o Goberno de Níxer na loita contra a cólera. Dende xaneiro, as rexións de Dosso,Maradi, Niamey, Tahoua eTillabery víronse afectados pola cólera. Ata o momento rexistráronse 3.854 casos, 2,5 veces máis que o ano pasado durante o mesmo período, emorreron 83 persoas. Actualmente, os brotes de cólera seguen activos en tres distritos das rexións de Tillaberi e Tahoua. "A emerxencia de cólera en Níxer representa un problema engadido á grave crise alimentaria e nutricional que hai actualmente noSahel. Debemos intensificar os nosos esforzos para previr a propagación desta enfermidade. A contribución de ECHO prodúcese nun momento crítico, porque estamos no medio da tempada de chuvias.As chuvias e inundacións axudan a que a enfermidade se propague máis rapidamente. O número total de casos está a aumentar", afirmou Guido Cornale, Representante de UNICEF en Níxer.  

 
 

RESPoSTA RÁPIDA

O Xefe da Unidade para o Oeste, Leste e Sur de África en ECHO, Cees Wittebrood, confirmou pola súa banda queECHO respondeu "con rapidez" ao recente brote de cólera. "O noso persoal de terreo traballou rapidamente cos organismos humanitarios para preparar un paquete coa axuda axeitada e suficiente para deter a propagación da enfermidade e tratar as persoas infectadas". A cólera transmítese pola inxestión de auga ou alimentos contaminados. Nun país como Níxer, que ten un dos índices máis baixos de acceso a auga potable e saneamento de todo o mundo, as familias son especialmente vulnerables á cólera. Ademais de incrementar as medidas preventivas, a forma máis eficaz de controlar a cólera é facilitar o acceso a auga potable e educar as comunidades sobre a importancia dunha boa hixiene e de levar a cabo prácticas axeitadas de saneamento. A rexión de África occidental e central enfróntase a un grave brote de cólera, con taxas de mortalidade moi altas nalgúns países. En Níxer, este brote prodúcese mentres o país lida cunha grave crise alimentaria e nutricional, e a afluencia de refuxiados malienses que chegan á parte occidental do país. Nas últimas semanas, Níxer viuse golpeado ademais por graves inundacións queafectaron a 485.000 persoas e destruído os cultivos.