Iemen, a miña primeira vez nun país en guerra
É a primeira vez que estou nun país en guerra.
Cheguei a Iemen o pasado 13 de outubro e neste tres meses de traballo vivín en primeira persoa escenas que antes só lera en novelas ou visto en películas de guerra: colas á espera de recibir o pan ou a auga, pais que pretenden que os seus fillos non sintan preto os bombardeos e pensen que a guerra é invisible...
A vida segue con certa
normalidade en Sanaa, pero o ruído diario
dos avións mantennos alerta. Os nenos de
Iemen só entenden que as súas familias están asustadas,
que non poden ir á escola nin saír á rúa, que non
hai traballo nin comida, nin sequera electricidade ou auga. Co
obxectivo de tentar reducir o impacto negativo de
todo iso sobre a infancia, en UNICEF traballamos a través do cinco
sub-oficinas que temos no país.
Lembro un día de sol que saímos á
rúa para ver como se repartía a auga na capital,
unha acción que se realiza unha vez cada dúas semanas. Parecía unha
xornada tranquila, sen ruído de avións. Chamoume a atención acor pálida de todos os nenos que esa mañá saíron
por fin das súas casas a tentar recoller a maior cantidade de auga
posible en cubos.
Eran nenos con tez
esbrancuxada, con ojeras, moi
delgados. Nenos e nenas que viven encerrados en casas de
dimensións reducidas. Ante os meus ollos presenciei unha imaxe que
me produciu sensacións estrañas: unha escena bonita porque xogaban
coa auga e, á súa vez, impactante pola expresión da cara
deses nenos que puñan fin ao seu peche durante os minutos
nos que estivo aberto a billa no seu barrio da capital
iemení.
EN ieMEN, PARA A INFANCIA, TAMÉN EXISTE A GUERRA
Aquí non funciona o
sistema de saúde, nin o escolar, aínda que unha parte das
escolas do país abriron o 1 de novembro. Tampouco
existe a posibilidade dun desenvolvemento normal para os nenos e
nenas, por agora. En Iemen, para a infancia,tamén existe a guerra. Unha guerra que causatraumas e un estado de shockdifícil de superar.
A través das persoas que
traballan no programa de apoio psicosocial,
coñecemos historias de nenos e nenas conpesadelos, cuxo único espazo para abstraerse da
guerra son eses espazos protexidos que desde
UNICEF, coa extensa rede de contrapartes, pomos á súa
disposición.
As dificultades para estabilizar
o fluxo das importacións complica aínda máis a
situación xa que, en Iemen, o 90% da comida e o combustible
son importados. A distribución da axuda
humanitaria é tamén complicada; hai zonas do país ás que o
acceso se realiza con dificultade. Isto fai que as condicións de
vida de moitas persoas estean a verse cada vez máis
afectadas.
Trátase dunha guerra moi
complicada e tácticamente complexa. Unha guerra que está a
afectar gravemente os dereitos da infancia. Unha
guerra que oxalá atope solucións máis pronto que tarde.
Post escrito por Meritxell
Relaño, representante adxunta de UNICEF en Iemen