Estado Mundial da Infancia 2012
No estudo analízase o grao de cumprimento de dereitos fundamentais da infancia no medio urbano: a saúde, a educación ou a protección non sempre están garantidas en ámbitos de abundancia e facilidade de acceso como son as cidades.
Por outro lado, o informe estuda problemas tipicamente urbanos como a situación dos menores que migran sós cara ás cidades, as crises económicas, o impacto dos desastres naturais sobre as cidades ou a delincuencia. Por último o informe realiza propostas para lograr construír cidades apropiadas a infancia, mediante o compromiso e acción conxunta dos distintos actores implicados na xestión das cidades.
Máis da metade da poboación mundial, incluidos máis de 1.000 millóns de nenos e nenas, vive actualmente en grandes e pequenas cidades. Moitos deles gozan das vantaxes que ofrece a vida urbana, como a educación, os servizos médicos e as instalacións recreativas. Non obstante, son innumerables os que carecen de servizos esenciais como electricidade, auga salubre e atención da saúde, a pesar de telos preto. En lugar de asistir á escola, un inmenso número de nenos vense obrigados a traballar en condicións de perigo e explotación. A miúdo afrontan constantemente a ameaza do desaloxo, malia vivir en condicións verdadeiramente deplorables: en vivendas destartaladas e en asentamentos superpoboados altamente vulnerables aos desastres.
O Informe Estado Mundial da Infancia 2012 Nenas e nenos nun mundo urbanoanaliza estes e outros problemas relacionados cocumprimento dos dereitos da infancia nos ámbitos urbanos.