UNICEF reforza a súa resposta en Croacia ante o aumento de nenos refuxiados e migrantes
UNICEF estableceu en Croacia dúas unidades móbiles de protección da infancia e expertos en benestar infantil. Estímase que só a semana pasada entraron ao país 10.000 mulleres e nenos refuxiados e migrantes.
As unidades móbiles, que ofrecen
ás nenos actividades recreativas e culturais, súmanse aos espazos
amigos da infancia fixos, onde poden descansar, xogar e recibir
axuda psicolóxica inmediata.
Moitos dos nenos están exhaustos,
confusos e traumatizados tras unha dura viaxe por varios países.
Algúns sofren infeccións víricas e están deshidratados. Necesitan
descansar, xogar e comer alimentos frescos, xa que estiveron
comendo alimentos secos ou enlatados durante meses.
Desde o peche das fronteiras de
Hungría con Serbia o pasado martes, decenas de miles de migrantes
atoparon rutas alternativas. Algúns chegaron ao novo centro de
recepción en Opatovac, un pobo na fronteira con Serbia, despois de
viaxar durante semanas en condicións moi duras.
UNICEF e os seus aliados no
terreo están a proporcionar asistencia humanitaria en Opatovac e
noutros centros de recepción en Croacia, onde desde o martes pasado
cada día chega unha media de 5.000 persoas. UNICEF puxo en marcha
espazos amigos da infancia, nos que se distribúen cueiros, auga
embotellada e información sobre lactación materna. Ademais
distribuíu folletos para advertir a quen cruzan a fronteira con
Croacia dos perigos de minas nas zonas fronteirizas, que permanecen
desde a guerra dos Balcáns nos anos 90. Repartíronse máis de 7.000
panfletos en árabe e en inglés na fronteira - algúns a través de
equipos móbiles.
Algúns dos refuxiados que chegan
á antiga República Iugoslava de Macedonia, Croacia e Serbia
rexístranse para pedir asilo, pero a maioría continúa a súa viaxe
por autobús ou tren co obxectivo de chegar até os países de Europa
occidental e do norte. Moitos foxen da violencia en Siria, Iraq e
Afganistán.
Croacia é un dos últimos países
onde se produciu un súbito aumento do número de migrantes e
refuxiados que buscan unha ruta segura cara ao oeste e o norte de
Europa. Na antiga República Iugoslava de Macedonia, preto de 90.000
persoas -das que un terzo son mulleres e nenos- rexistráronse na
fronteira, en Gevgelija, desde xuño deste ano. En Serbia, preto de
108.000 persoas rexistráronse ao cruzar a fronteira en Presevo, no
mesmo período. Estímase que as cifras reais poderían ser o dobre,
xa que moitas persoas pasan por ambos os países sen
rexistrarse.
No que vai de ano os nenos
supoñen a cuarta parte do total de persoas que buscan asilo en
Europa. No primeiros sete meses de 2015, 133.000 nenos pediron
asilo na Unión Europea, un aumento de case o 80% desde 2014 segundo
os últimos datos do Eurostat.