UNICEF reclama a protección de todos os nenos en Alepo (Siria) tras a última escalada de violencia
Declaración do director rexional de UNICEF para Oriente Medio e Norte de África, Saad HouryUNICEF está moi preocupado pola seguridade e o benestar de todos os nenos afectados pola escalada de violencia na cidade de Alepo, no norte de Siria.
A escalada deste conflito pon aos
nenos nunhas circunstancias terribles e terá consecuencias nefastas
para eles durante os próximos anos.
Os intensos combates en zonas
densamente poboadas no oeste da cidade forzaron o desprazamento de
25.000 persoas. As familias refuxiáronse en mesquitas, campus
universitarios e xardíns públicos.
No leste da cidade, unhas 300.000
persoas, das que un terzo son nenos, víronse atrapadas desde
principios de xullo.
Instamos a todas as partes
involucradas no conflito a que nos dean acceso humanitario sen
trabas aos nenos e as súas familias en calquera parte da cidade
onde se atopen.
UNICEF insta as partes en
conflito en Siria a que cumpran coas súas obrigacións legais para
protexer aos nenos e a todos os civís.
Acerca de UNICEF
UNICEF promove os dereitos e o benestar de todos os nenos e nenas en todo o que facemos. Xunto aos nosos aliados, traballamos en 190 países e territorios para transformar este compromiso en accións prácticas, centrando especialmente os nosos esforzos en chegar aos nenos máis vulnerables e excluídos para o beneficio de todos os nenos, en todas partes.
Más información:
Belén de Vicente
UNICEF España, Tel: 609 160 051 / 91 378 95 55
E-mail: [email protected]
Síguenos en Facebook Twitter Youtube Instagram
