UNICEF presta axuda urxente a familias e nenos desprazados en Costa de Marfil
UNICEF traballa prestando asistencia ás crecentes necesidades humanitarias prestando asistencia a nenos e familias afectados pola crise desatada tras as eleccións en Costa de Marfil. Calcúlase que polo menos un 60% dos 300.000 desprazados internos que hai no país e gran parte dos 90.000 refuxiados que fuxiron á veciña Liberia, son mulleres e nenos.
XENEBRA/ABIDXÁN. UNICEF traballa prestando asistencia ás crecentes
necesidades humanitarias prestando asistencia a nenos e familias
afectados pola crise desatada tras as eleccións en Costa de
Marfil.Calcúlase que polo menos un 60% dos 300.000 desprazados
internos que hai no país e gran parte dos 90.000
refuxiados que fuxiron á veciña
Liberia, son mulleres e nenos.
En todas as emerxencias, os nenos son os máis vulnerables. Durante
os tres próximos meses, UNICEF terá
que seguir achegando axuda esencial e
subministracións de emerxencia ao crecente numero de nenos
afectados pola crise.UNICEF traballa sobre o terreo enCosta de Marfil e en Liberia para asegurar a
protección dos nenos contra a violencia, o acceso continuado a
servizos
de saúde e a asistencia á escola mentres continúa a situación de
inestabilidade política.
Grazas ao traballo de UNICEF en Costa
de Marfil ata a data, máis de 1,7 millóns de nenos de entre
6 meses e 5 anos de idade foron vacinados contra o
sarampelo e outras enfermidades; miles de nenos foron analizados
por malnutrición; e uns 20.000 nenos recibiron material
escolar. No poboado de Nimba,
en Liberia, a campaña de vacinación contra o sarampelo deUNICEF chegou a todos os nenos e
mellorouse o acceso a auga potable e saneamento nas comunidades que
acollen refuxiados.
Acerca de UNICEF
UNICEF traballa no terreo en máis de 150 países e territorios para tratar de garantir aos nenos e as nenas o dereito a sobrevivir e a desenvolverse dende a primeira infancia ata a adolescencia. UNICEF, que é o maior provedor de vacinas para os países en desenvolvemento, traballa para mellorar a saúde e a nutrición da infancia; o abastecemento de auga e saneamento de calidade; a educación básica de calidade para todos os nenos e nenas e a protección dos nenos e as nenas contra a violencia, a explotación e o VIH/SIDA.UNICEF está financiado na súa totalidade polas contribucións voluntarias de individuos, empresas, fundacións e gobernos.