UNICEF pide que se garanta a seguridade nos colexios de Iemen no inicio do curso
UNICEF chama ás partes involucradas no conflito de Iemen a protexer as escolas na semana en que os colexios do país abriron as súas portas.
Desde que o conflito intensificouse hai máis de 18 meses, os ataques a escolas, profesores e infraestruturas tiveron un efecto devastador no sistema educativo do país, e as posibilidades de millóns de nenos de acceder a unha educación.
"Os nenos son asasinados cando
van de camiño ao colexio, ou mentres están nel", explicou Julien
Harneis, representante de UNICEF en Iemen. "As partes involucradas
no conflito deben manter aos nenos fóra de perigo para que teñan
oportunidade de recibir unha educación", engadiu.
Debido á violencia e ao peche dos
colexios máis de 350.000 nenos non puideron concluír a súa
educación durante o pasado ano escolar, chegando a superar os 2
millóns de nenos que están fóra da escola en Iemen. Neste
sentido, Harneis lembrou que "os nenos que non van ao colexio
corren o risco de ser recrutados para combater".
É precisamente o que ocorreu,
segundo puido verificar Nacións Unidas, con 1.210 nenos, algúns de
tan só oito anos, desde que o conflito se recrudeció en marzo de
2015.
UNICEF estima que 2.108 escolas
repartidas por todo o país quedaron inutilizadas ao ser destruídas
ou gravemente deñadas. Outras acollen familias desprazadas internas
ou están a ser utilizadas con fins militares.
UNICEF está a apoiar a campaña
Volta ao Colexio para proporcionar aos nenos a oportunidade de
aprender. Isto inclúe a renovación de 700 escolas danadas e a
provisión de mobles, material escolar e mochilas. Os profesores
están a ser formados en apoio psicosocial para axudar aos alumnos a
sobreporse aos horrores da guerra.
"Alá onde as escolas resultaron
danadas, estamos a renovar e proporcionando tendas que poidan
servir como aulas temporais nas que os nenos poidan aprender", dixo
Harneis.
Durante o pasado ano e medio,
UNICEF proporcionou material educativo e apoio psicosocial a máis
de 575.000 nenos en idade escolar. Ademais, traballou con aliados
locais para conseguir que máis de 600.000 nenos de 9º e 12º curso
puidesen presentarse aos seus exames.
UNICEF solicita 34 millóns de
dólares americanos para a construción e rehabilitación das escolas
danadas, proporcionar recursos para o ensino e a aprendizaxe,
formar a profesores e traballadores comunitarios para que sexan
capaces de dar apoio psicosocial aos nenos e levar a cabo a campaña
de volta ao Colexio.
Acerca de UNICEF
UNICEF promove os dereitos e o
benestar de todos os nenos e nenas en todo o que facemos. Xunto aos
nosos aliados, traballamos en 190 países e territorios para
transformar este compromiso en accións prácticas, centrando
especialmente os nosos esforzos en chegar aos nenos máis
vulnerables e excluídos para o beneficio de todos os nenos, en
todas partes.
