UNICEF envía subministracións de emerxencia para os nenos afectados polo ciclón en Vanuatu
UNICEF enviou dende o almacén rexional de Suva, en Fiyi, subministracións vitais adicionais ás comunidades afectadas, mentres distribúe as subministracións de emerxencia pre-posicionados en Vanuatu. Isto inclúe artigos de saúde, educación, protección da infancia e auga, saneamento e hixiene.
"As subministracións foron empaquetadas hoxe e serán transportados
a Vanuatu mañá",
dixo Isabelle
Austin,
representante achega de UNICEF Pacífico.
"Digicel proporcionou
o transporte aéreo gratuíto e os voluntarios axudaron a empaquetar
as subministracións durante a noite nun almacén
en Suva.
Estes inclúen kits básicos de saúde, bolsiñas de sales de
rehidratación oral, comprimidos de cinc, cápsulas de
vitamina A,
comprimidos para desparasitar (Albenzadol),
mochilas escolares con artigos de papelaría, kits recreativos, kits
de hixiene, depósitos de auga, xabón para lavarse as mans,
colectores de auga pregables e comprimidos para purificar a
auga,".
O Goberno e os aliados humanitarios están a empezar a realizar
avaliacións integrais que sen dúbida identificarán máis
necesidades, especialmente en zonas afastadas da cidade
de Port
Vila e
noutras illas. Mentres tanto, estas subministracións son para
cubrir as necesidades inmediatas e para facer fronte á seria
preocupación que supoñen os riscos para a saúde e a hixiene que
enfrontan os nenos e as súas familias, así como a educación e
necesidades psicosociais da infancia.
Estas subministracións consisten en cinco kits básicos de saúde,
cada un para 10.000 pacientes; 1.508 mochilas con material de
papelaría; 31.300 bolsas de sales de rehidratación oral; 330
comprimidos de cinc; 32 comprimidos para desparasitar;
69 kits recreativos para 6.210 nenos (cada kit é para 90 nenos);
3.000 kits de auga e saneamento; 200 kits de hixiene; 3.000
pastillas de xabón para o lavado de mans; 5 depósitos de auga
pregables con capacidade para 5.000 litros, e outros 5 con
capacidade para 1.000 litros.
O aeroporto internacional de Vanuatu (Aeroporto
Internacional Bauerfield)
reabrirase mañá, 17 de marzo, para voos comerciais. Varias
embarcacións con artigos de socorro partiron hoxe
dende Fiyi cara
a Vanuatu. UNICEF,
o Programa Mundial de Alimentos e outros aliados están a traballar
coa Oficina de Xestión de Desastres de Vanuatu para
instalar e poñer en funcionamento centros loxísticos de emerxencia
que aseguren o fluxo regular das subministracións humanitarias no
país.
Imaxes e videos dispoñibles para a súa descarga (por favor incluír crédito UNICEF):
https://www.dropbox.com/sh/pkxtje8u0mrh0xt/AADt2Go6NBKR30HJDR1FLz_9a?dl=0
https://www.dropbox.com/sh/orwcfr881wp4kdu/AAAQisP72EIWFhJ9nKC-sr0ma?dl=0
Para contribuir ao traballo de UNICEF nesta emerxencia:
https://www.unicef.es/cooperacion-internacional/donar-ong/hacer-donacion/fondo-de-emergencias
Por teléfono: 902 31 41 31 (luns a venres de 9 a 22 h, sábados de 11 a 17 h.)
Acerca de UNICEF
UNICEF promove os dereitos e o benestar de todos os nenos e nenas en todo o que facemos. Xunto aos nosos aliados, traballamos en 190 países e territorios para transformar este compromiso en accións prácticas, centrando especialmente os nosos esforzos en chegar aos nenos máis vulnerables e excluídos para o beneficio de todos os nenos, en todas as partes.